12.02.2021

bügünki türkiye metbuatliridin tallap teyyarlighan xewerlirimiz töwendikiche:

1582249
12.02.2021

türkiye awazi radiyosi: «star géziti», türkiye jumhur reisi rejep tayyip erdoghanning ikkinchi basquchluq waksina emletkenlikini xewer qildi.

xewerde, rejep tayyip erdoghanning twittérda uchur hembehirlep, «ikkinchi basquchluq waksina emlettim. inshaallah qisqa waqit ichide barliq puqralirimizni emleshni ümid qilimiz» dégenliki bildürüldi.

«hörriyet géziti», türkiye bilen shimaliy qibris türk jumhuriyiti otturisidiki 2021-yilliq maliye yighinliri üchün lefkoshagha yétip barghan muawin jumhur reis fuat oktayning, ikki döletlik hel qilish charisi mesiliside qetiy qarargha ige ikenliklirini éytqanliqini xewer qildi.

«xeber türk géziti», énérgiye we tebiiy bayliqlar ministiri fatih dönmezning tebiiy gaz éhtiyaj bixeterlikini kapaletke ige qilish üchün muhim qedemlerni basqanliqlirini éytqanliqini xewer qildi.

xewerde, fatih dönmezning, «ikki dane leylime gaz saqlash ambirini xizmetke kirishtürduq. bar bolghan gaz saqlash ambarlirimizning sighimchanliqini ikki hesse ashurduq. buningdin bashqa, üchinchi leylime gaz ambiri mushu yil ichide xizmetke kirishtürülidu» dégenliki qeyt qilindi.

«yéngi shepeq géziti», firansiyening xas (Reims) shehiride «l. istanbul» (L'Istanbul) namliq kawap dukinining xojayini türkiyelik mawzer tashdelenning, belgilengen kün we waqitlarda oqughuchilargha heqsiz döner kawap tarqitiwatqanliqini xewer qildi.

xewerde, mawzer tashdelenning sehiye kirizisining tesirige uchrighan oqughuchilarni qollash üchün qiliwatqan seperwerlik paaliyitining, nurghun firansiye taratqulirida xewer qilinghanliqi bildürüldi.


خەتكۈچ: #yéngi shepeq , #sabah

مۇناسىۋەتلىك خەۋەرلەر