09.02.2021

bügünki türkiye metbuatliridin tallap teyyarlanghan qisqiche xewerlirimiz töwendikiche:

1579967
09.02.2021

türkiye awazi radiyosi: «weten géziti», türkiye jumhur reisi rejep tayyip erdoghan bilen gérmaniye bash ministiri angéla mérkélning widéo arqiliq körüshkenlikini xewer qildi.

xewerde, rejep tayyip erdoghan bilen mérkélning körüshüshte, türkiye-yawropa ittipaqi munasiwetlirini ijabiy küntertip bilen ilgirilitish qetiy qararigha ikenliklirini bildürüp, mart éy (2021) da aliy rehberler yighini échilghiche bolghan jeryanda özara uchrishishlarni köpeytip, téxnikiliq körüshüshlerning ötküzülüshini ümid qilghanliqlirini eskertti.

«yéngi shepeq géziti», wuxen wirusigha munasiwetlik ölümler rékort sewiyege chiqqan we sehiye sistémisida zor qiyinchiliqlar körülgen gérmaniyede, kirizisning kündin-künge zoriyiwatqanliqini xewer qildi.

xewerde, türkiyede ongushluq halda ilgirilewatqan waksina emlesh xizmetlirining, gérmaniye taratqulirida heyranliq qozghighanliqi we: «türkiyede gérmaniyenikidin köp kishi emliniwatidu. emlesh xizmetliride qalaymiqanchiliqtin eser yoq» déyilgenliki qeyt qilindi.

«star géziti», paytext enqerede  resmiy ziyarette boluwatqan wéngiriye tashqi ishlar we soda ministiri pétér siyyarto (Peter Szijjarto) ning: «türkiye bilen bolghan munasiwetlirimizge intayin ehmiyet bérimiz. köchke munasiwetlik yawropaning bixeterliki türkiyege baghliq. türkiye ottura yawropa énérgyesining bixeterlikige köp hesse qoshuwatidu» dégenlikini xewer qildi.

«sabah géziti», antalyaning demre nahiyeside rusiyelik sayahetchilerning, féwral éyida tebietning we déngizning keypini chiqiriwatqanliqini xewer qildi.

«hörriyet géziti», türkiyediki ayrodurumlarda, bu yil (2021) ning yanwar éyida jemiy 5 milyon 227 ming 452 yoluchigha xizmet bérilgenlikini xewer qildi.        


خەتكۈچ: #yéngi shepeq , #weten , #star

مۇناسىۋەتلىك خەۋەرلەر