26.01.2021

bügünki türkiye metbuatliridin tallap teyyarlighan qisqiche xewerlirimiz töwendikiche:

1571134
26.01.2021

türkiye awazi radiyosi: «sabah géziti», türkiye bilen girétsiye otturisidiki61-qétimliq izdinish uchrishishlirining tünügün (2021-yili 25-yanwar) istanbuldiki dolmabahche sariyida ötküzülgenlikini xewer qildi.

xewerde, jumhur reislik sariyi bayanatchisi ibrahim kalinning twittérda uchur hembehirlep: «egeni öz ichige alghan barliq mesililerni hel qilish mumkindur» dégenliki bildürüldi.

«star géziti», rusiyening «Sputnik V» waksinasini türkiyede ishlepchiqirish üchün kélishim imzalanghanliqini xewer qildi.

xewerde, wiskoran (VisCoran) dora sanaet mudiriyitining bashliqi öztürk oranning: «téxnika ötünüp bérish we sehiye ministirliqidiki resmiyetler axirlashqandin kéyin, ishlitish ruxsiti élinidu. arqidinla türkiyede ishlepchiqirish bashlinidu» dégenliki qeyt qilindi.

«hörriyet géziti», medeniyet we sayahet ishliri ministirliqi chet ellerde türkiyeni tonitish üchün 19 dangliq pirogramma riyasetchisining tallanghanliqini xewer qildi.

tizimlikte mastérchéf pirogrammisi bilen tonulghan somer siwrioghlu, kemal demirasal, tuz chéchish herikiti bilen dunyagha tonulghan qassap nusret gökche, firansiye paytexti parizhda namini chiqarghan aylin yazijioghlu we téléwiziye yémek-ichmek pirogrammilirida tonulghan arda türkmen qatarliq kishilerning barliqi bildürüldi.

«yéngi shepeq géziti», rizedin ötken yili (2020) 30 döletke 3 ming 64 tonna chay éksport qilinghanliqini xewer qildi.

xewerde, rizedin 2020-yili éksport qilinghan chay miqdarining 2019-yiligha sélishturulghanda %8, qimmiti jehettin bolsa %5 ashqanliqi eskertildi.   


خەتكۈچ: #wiskoran , #star , #sabah

مۇناسىۋەتلىك خەۋەرلەر