27.10.2020

türkiye awazi radiyosi: «hörriyet géziti», türkiye jumhur reisi rejep tayyip erdoghanning tünügün (2020-yili 26-öktebir) beshtepe xelq kongre we medeniyet merkizide, «mewlidi nebi heptisi échilish pirogrammisi» gha qatniship, söz qilghanliqini xewer qildi.

xewerde, rejep tayyip erdoghanning islamni nishan qilghan firansiye pirézidénti makron bilen gérmaniye paytexti bérlin jamesige bésip kirish weqesige héchqandaq awaz chiqarmighan bash ministir angéla mérkélni agahlandurup: «maskanglarni yoshurush meqsitide kirgen bu yolning axiri balayi-apet bolidu» dégenliki qeyt qilindi.

«xeber türk géziti», xezine we maliye ishliri ministiri berat albayrakning tünügün élan qilinghan yéngi melumatlarning, türkiye iqtisadining éshish yoligha kirishini qollaydighan shekilde özining yönülishide ilgirilewatqanliqini körsitip bergenlikini bildürüp: «öktebir éyida mulazimet kespi ishench indéksi %6.4, parche sétish ishench indéksi %1.7 ashti. hejimini ishlitish nisbiti %74.9 gha chiqti» dégenlikini xewer qildi.

«weten géziti», sanaet we téxnologiye ministiri mustafa warank tünügün bayanat élan qilip: «türkiye yilning axirqi ikki charikide iqtisadiy éshish jehette küchlük iqtidarini körsitip, 2020-yilini eng töwen chekte axirlashturidu. xamchotimiz ötken yiligha sélishturghanda %50 ashti» dégenlikini xewer qildi.

«sabah géziti», türkiyening aptomobil karxanisi guruhi (TOGG) yerlik aptomobilda ishlitilidighan batariye téxnikisining tepsilatliri chüshendürülgen widéoni ijtimaiy taratquda tarqatqanliqini xewer qildi.

xewerde, aptomobilning 300 kilométir we 500 kilométir musape basalaydighanliqini we 30 minuttin 80 minutqiche tok qachilaydighanliqi qeyt qilindi.