09.07.2020

xeber türk géziti, «tashqi ishlar ministiri chawushoghlu engliye bash ministiri boris jonson bilen körüshti» serlewhilik xewiride munularni oqurmenlirining diqqitige sundi:

tashqi ishlar ministiri mewlüt chawushoghlu tünügün engliye bash ministiri boris jonson bilen körüshti. chawushoghlu liwiye mesilisining engilyediki uchrishishliridimu muzakire qilinghanliqini bildürüp, «engliyemu <eng yaxshi hel qilish charisi, hetta birdinbir hel qilish charisi, siyasiy hel qilish charisidur> dep qaraydighanliqini ipadilidi» dédi.

sabah géziti, «kalindin liwiye mesilisi heqqide bayanat» serlewhilik xewiride munularni yazdi:

jumhur reislik bayanatchisi ibrahim kalin, türkiyening liwiyediki qanunluq trablus hökümitini qollishining buningdin kéyimu dawamlishidighanliqini éytti, türkiyening liwiyediki qanunluq hökümetning telipige binaen 12 – ayda liwiye bilen herbiy hemkarliq we bixeterlik kélishimi tüzgenlikini eskertip: «bu kélishim dairiside, birleshken döletler teshkilati teripidinmu étirap qilinghan qanunluq hökümetke yardem qilmaqtimiz. türkiyening arilishishi bilen hazir u yerdiki toqunushlarda tengpungluq peyda qilinghanliqini hemmeylen étirap qilidu» dédi.

weten géziti, «ministir qaraismailoghlu owézow bilen körüshti» serlewhilik xewiride munularni hembehirlidi:

qatnash we ul eslihe ministiri adil qaraismailoghlu tünügün sin yighini usuli arqiliq türkmenistan ministirlar kéngishining muawin reisi bayramgeldi owézow bilen körüshti. uchrishishta, quruqluq, tömür yoli, déngiz we xelq awiatsiyesi sahesidiki munasiwetlerni muzakire qilish bilen bir waqitta, kowid -19 yuqumidin kéyinki normallishish mezgilide, qatnash sahesidiki mewjut yéqin munasiwetlerni yenimu tereqqiy qildurup ilgirilitish üchün tashlinidighan qedemler muzakire qilindi.

hörriyet géziti, «türk awiatsiye transport sahesining bazar ülüshi ashti» serlewhilik xewiride munu uchurlagha orun ajratti:

türkiye hawa yolliri shirkitining bash dériktori bilal ekshi iyun éyida türk awiatsiye transport sehesining dunya miqyasidiki ülüshining %5 ke yetkenlikini bildürdi. ekshi tiwittérda hembehirligen uchurida, «biz yoluchilar ayropilanimiz bilen mawjut yük ayropilan etritimizni qolliduq. asmandiki her 20 yükning birini hazir biz toshiwatimiz»dédi.

sitar géziti, «a milliy komandimiz 3 - sintebirde siwasta musabiqigha chüshidu» serlewhilik xewiride munu uchurlarni oqurmenlirining diqqitige sundi:

a milliy komandisi 3-séntebir siwasta UEFA milletler birleshmisining musabiqisida, wéngiriye bilen meydangha chüshidu.