30.06.2020

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1446045
30.06.2020

«yéngi shepeq géziti», dunya xelqining liwiyede bir qanche yildin buyan yölep turuwatqan isyanchi hafterning meghlub bolushi bilen tüzgen pilanliri astin-üstün bolghan firansiyening hazirqi türkiyege hörkirep, özining xataliqini yépishqa urunuwatqan ehwalini munazire qilishni dawamlashturuwatqanliqini xewer qildi.

xewerde, «The Independent» gézitining bir yazmisida, «firansiye rehberliri liwiye siyasitini aqlash üchün türkiyeni eyiblep külkilik halgha qéliwatidu» déyilgenliki qeyt qilindi.

«star géziti», wéngriye tashqi ishlar ministiri pétér siyarto (Peter Szijjarto) jenubiy qibrisni ziyaret qilghanda, nurghun yawropa ittipaqi döletlirining türkiye heqqide gep qilghanda, xelq aldida bir xil, perde arqiside yene bir xil gep qiliwatqanliqini bildürüp: «türkiye-yawropa ittipaqi munasiwetliridiki eng chong mesile-türkiyege ikki yüzlimichilik bilen muamile qilishtur» dégenlikini xewer qildi.

«weten géziti», xezine we maliye ministiri berat albayrak: «türkiyening ishench indéksi éshiwatidu. aprélda 51.3 bolghan iqtisadiy ishench indéksi may éyida 61.7 ge, iyunda 73.5 ke örlidi. 2020-yilini éshish bilen axirlashturup, kéler yili buni téximu yuqiri sewiyege chiqirimiz» dégenlikini xewer qildi.

«sabah géziti», sanaet we téxnologiye ministiri mustafa warankning yerlik we milliy éléktir poyizning rélisqa chüshürülgenlikini we zawuttiki sinaqning bashlinidighanliqini éytqanliqini élan qildi.

«hörriyet géziti», qatnash we ul-eslihe ministiri adil karaismailoghluning waba mezgilide dunyada intérnét sodisining téz sürette éshiwatqanliqini eskertip: «engliye, gérmaniye we rusiyede intérnét soda iskilati qurimiz. nishanimiz-intérnét soda munbirimizni rayondiki besh chong döletning birige aylandurush» dégenlikini xewer qildi.


خەتكۈچ: #weten , #sabah

مۇناسىۋەتلىك خەۋەرلەر