30.06.2020

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1446045
30.06.2020

«йеңи шәпәқ гезити», дунйа хәлқиниң ливийәдә бир қанчә йилдин буйан йөләп туруватқан исйанчи һафтәрниң мәғлуб болуши билән түзгән пиланлири астин-үстүн болған фирансийәниң һазирқи түркийәгә һөркирәп, өзиниң хаталиқини йепишқа урунуватқан әһвалини муназирә қилишни давамлаштуруватқанлиқини хәвәр қилди.

хәвәрдә, «The Independent» гезитиниң бир йазмисида, «фирансийә рәһбәрлири ливийә сийаситини ақлаш үчүн түркийәни әйибләп күлкилик һалға қеливатиду» дейилгәнлики қәйт қилинди.

«стар гезити», венгрийә ташқи ишлар министири петер сийарто (Peter Szijjarto) җәнубий қибрисни зийарәт қилғанда, нурғун йавропа иттипақи дөләтлириниң түркийә һәққидә гәп қилғанда, хәлқ алдида бир хил, пәрдә арқисидә йәнә бир хил гәп қиливатқанлиқини билдүрүп: «түркийә-йавропа иттипақи мунасивәтлиридики әң чоң мәсилә-түркийәгә икки йүзлимичилик билән муамилә қилиштур» дегәнликини хәвәр қилди.

«вәтән гезити», хәзинә вә малийә министири бәрат албайрак: «түркийәниң ишәнч индекси ешиватиду. апрелда 51.3 болған иқтисадий ишәнч индекси май ейида 61.7 гә, ийунда 73.5 кә өрлиди. 2020-йилини ешиш билән ахирлаштуруп, келәр йили буни техиму йуқири сәвийәгә чиқиримиз» дегәнликини хәвәр қилди.

«сабаһ гезити», санаәт вә технологийә министири мустафа варанкниң йәрлик вә миллий електир пойизниң релисқа чүшүрүлгәнликини вә завуттики синақниң башлинидиғанлиқини ейтқанлиқини елан қилди.

«һөррийәт гезити», қатнаш вә ул-әслиһә министири адил караисмаилоғлуниң ваба мәзгилидә дунйада интернет содисиниң тез сүрәттә ешиватқанлиқини әскәртип: «әнглийә, германийә вә русийәдә интернет сода искилати қуримиз. нишанимиз-интернет сода мунбиримизни райондики бәш чоң дөләтниң биригә айландуруш» дегәнликини хәвәр қилди.


خەتكۈچ: #вәтән , #сабаһ

مۇناسىۋەتلىك خەۋەرلەر