29.06.2020
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: «star» géziti, «tufeyli: erdoghan liwiyening muqimliqi üchün tirishchanliq körsitiwatidu (dédi)» serlewhilik xewiride, liwandiki shie ölima sheyx subhi tufeylining, jumhur reis rejep tayyip erdoghangha qarshi firansiye, rusiye, italiye we israiliyening sépidin orun élishning jaiz emeslikini bildürgenlikige dair uchurlargha orun berdi.
gézitning xewiride körsitilishiche, «erdoghan, xelqlerning menpeeti we liwiyening muqimliqi üchün küch chiqiriwatidu» dégen sheyx tufeyli, türkiyening liwiyede firansiye bilen israiliyening xirislirigha taqabil turuwatqanliqini eskertken.
«sabah» géziti, «térrorchilargha tewe 24 panahlinish orni we öngkürdiki qoral we oq – dorilar qolgha chüshürüldi» serlewhilik xewiride, türkiye jumhuriyiti dölet mudapie ministirliqining, iraqning shimalidiki bölgünchi térrorluq teshkilati p k k gha qarshi élip bériwatqan penche – qaplan (yolwas) herbiy herikiti jeryanida orni éniqlap chiqilghan 24 panahlinish orni we ökngürdin zor miqdarda qoral we turmush lazimetlikliri bilen oq – dorilarning qolgha chüshürülgenlikini uqturghanliqini yazdi.
gézitning xewiride körsitilishiche, ministirliq bayanatida, 17 – iyunda bashlighan herbiy heriketning pilanlanghini boyiche ghelibilik dawamlishiwatqanliqini eskertken.
«hörriyet» géziti, «türkiye shamalni arqisigha aldi» serlewhilik xewiride, türkiyede yéqinqi mezgillerdin buyan qayta hasil bolidighan énérgiyening omumiy éléktir ishlepchiqirishtiki nisbitide arqa – arqidin rékort yaritiliwatqanliqini, buningda yéqinqilarda salmiqi éghirlashqan qayta hasil bolidighan énérgiye sahesige sélinghan mebleghlarning péyining nahyaiti yuqiri ikenlikini yazdi.
xewerde körsitilishiche, türkiye shamal énérgiyesi saheside basidighan yolning aran %10 ini tamamlighan bolup, shamal énérgiyesidiki nöwettiki omumiy küchi 8 ming mégawat bolghan türkiye, 80 – 90 ming mégawatliq yoshurun küchke ige iken.
«xabertürk» géziti, «türkiye inglizlarning sayahet karidori arisida» serlewhilik xewiride, engliye hökümitining, 6 – iyuldin kéyin bezi döletler bilen sayahet karidori échishqa teyyarliniwatqanliqini, mezkur döletlerning arisida türkiyeningmu barliqini, bu xewerdin kéyin sayahetchilerning méhmanxanilardin orun ayritquzushining köpeygenlikini yazdi.
gézitning xewiride körsitilishiche, engliye sayahet karidori achidighan döletlerning toluq tizimliki aldimizdiki hepte élan qilinidiken.
«yéngi shepeq» géziti, «bursa sayahetchilikte yuqumni pursetke aylandurmaqta» serlewhilik xewiride, bursada saghlam sayahet tonushining eng muhim nuqtilirining biri bolush yolida qedemlerning tashliniwatqanliqini, sheherning yéngi normal turmush sharaitigha mas halda pilanlanghan sayahet siyastiining aldinqi qatarida izchiliq, chédir tikish we kariwan sayahitining orun alidighanliqini yazdi.
xewerde körsilitishiche, bursa uludaghi, yaylaqliri, kölliri, déngizi shundaqla tebietsöyerler yaxshi köridighan jughrapiyelik qurulmisi bilen sayahetchilerning diqqitini tartidiken.
