02.06.2020

türkiye awazi radiyosi: «star géziti», sehiye ministiri fahrettin kojaning tünügün (2020-yili 1-iyun) twittérda türkiyediki wuxen wirusi (Kovid-19) gha munasiwetlik yéngi melumatlarni élan qilghanliqini xewer qildi.

xewerde, fahrettin kojaning, «salametliki yaxshilanghan jemiy bémarlarning sani 130 minggha yetti. yéngi weqeler texmin qilinghan sewiyede. nepeslendürüsh üskünisige bolghan éhtiyaj aziyiwatidu. kéyinki künler dizinféksiye suyuqluqigha ehmiyet bérishke, maska taqashqa we ijtimaiy musape qaidelirige riaye qilishimizgha baghliq. qattiq tedbir, téximu yaxshi netije hésablinidu» dégenlikini qeyt qilindi.

«sabah géziti», adalet we tereqqiyat partiyesining bayanatchisi ömer chelikning jenubiy qibris rum hakimiyitide jamege qilinghan hujumgha naraziliq bildürgenlikini xewer qildi.

xewerde, ömer chelikning twittérda: «jenubiy qibris rum hakimiyiti islamgha qarshi fashistlargha qarshi tedbirlerni yolgha qoyushi kérek. kishining ésige islam düshmenlikini salidighan siyaset we taratqular tiligha qarshi tedbir élishi kérek. jenubiy qibris rum hakimiyiti jinayetchilerni baldurraq tépishi kérek» dégenliki bildürüldi.

«hörriyet géziti», qara déngizda tunji burghilash ishlirini emelge ashurush üchün istanbuldin yolgha chiqqan fatih burghilash paraxotining trabzongha yétip kelgenlikini xewer qildi.

xewerde, fatih burghilash paraxotining trabzonda murasim bilen qarshi élinghanliqi eskertildi.

«xeber türk géziti», türkiyede wuxen wirusi (Kovid-19) gha qarshi turush tedbirlirining normallishish qedemliri bilen emeldin qaldurulushigha egiship, tünügün (2020-yili 1-iyun) ayropilan seperlirining bashlanghanliqini xewer qildi.

gézitning xewiride, istanbul-enqere ayropilan sepirining yoluchiliridin biri bolghan qatnash we ul-eslihe ministiri adil karaismailoghluning: «hemme kishining maska taqash mejburiyitidin, ijtimaiy musape qaidesige riaye qilishtin, shexslerning we idare-organlarning dizinféksiye tedbirlirini élishtin hergizmu waz kechmeymiz» dégenliki qeyt qilindi.    

«weten géziti», gérmaniyede chiqidighan «dér shpéygél géziti» (Der Spiegel) de türkiyening «yéngi ewlad uchquchisiz hawa apparati küchi» haligha kelgenlikining xewer qilinghanliqi bildürüldi.

türkiye ichi-sirtida élip bérilghan herbiy heriketlerde ishlitilgen « TB2-bayraktar» hawa apparatining, türkiye mudapie sanaitidiki eng muweppeqiyetlik mehsulat ikenliki qeyt qilindi.