01.06.2020

türkiye awazi radiyosi: «sabah» géziti, «dunyada sehiye sistémisi yimiriliwatqan bir peytte türkiye yene heyran qaldurdi» serlewhilik xewiride, istanbulda qurulushi pütken yéshilköy piroféssor doktor murat dilmener jiddiy ehwal doxturxanisi bilen rémont - eslige keltürüsh xizmetliri axirlashqan hamdiköy doktor ismail niyazi qurtulmush doxturxanisining, jumhur reis rejep tayyip erdoghanning ishtirak qilish bilen xizmetke kirishtürülgenlikini xewer qildi.

xewerde körsitilishiche, mezkur doxturxanilar, kowid – 19 gha taqabil turush xizmetliri dairiside muhim rollarni üstige élish bilen birge, chet ellik bimarlarghimu mulazimet qilidiken.

«yéngi shepeq» géziti, «engliye taratqu orgini türkiyeni alahide medhiyelidi» serlewhilik xewiride, engliye médiya orgini b b s ning, türkiyening kowid – 19gha taqabil turush kürishining bir utuq hékayisi ikenlikini eskertip, dölitimiz (türkiye)ning tirishchanliqlirini medhiyeligenlikini yazdi.

xewerde körsitilishiche, b b s ning xewiride pikirlirige orun bérilgen ként uniwérsitétidin doktor jérémy rosman, «türkiye, roshen halda nahayiti zor bir pajiening aldini aldi» dégen bolsa, dunya sehiye teshkilatining türkiye wekili doktor irshad sheyx, «türkiyening xelq saghlamliqi saheside dunya béridighan sawaqliri bar» dégenlerni qeyt qilghan.

«star» géziti, «türkiye armiyesi: amérika, rusiye, firansiyege oxshash armiyelerni arqida qaldurdi» serlewhilik xewiride, türkiye armiyesining 500 ming etrapida herbiy xadimining bolushigha qarimay, bashtin tartip yolgha qoyulghan téz tedbirler sayisida dunyadiki sépide eng az wuxen wirusi yuqumi bayqalghan armiyelerning qataridin orun alghanliqini yazdi.

xewerde, yuqumlanghuchi sani herbiy xadim sanigha sélishturghanda, sépide eng az yuqum bayqalghan türkiye armiyesining, bu jehette amérika qoshma ishtatliri, rusiye, firansiye, italiye we engliyege oxshash muhim armiyelerni arqida qaldurghanliqi eskertildi.

«weten» géziti, «türkiyede bu yil 486 su üzüsh ornigha mawi (kök) bayraq bérildi» serlewhilik xewiride, bu yil türkiyede 486 su üzüsh ornining mawi bayraqqa ige bolghanliqini, wuxen wirusidin kéyin taziliqning sayahet sahesidiki eng muhim ölchem bolidighanliqini, mawi bayraq lepildewatqan su üzüsh kölchekliri ichide dunyada üchinchi qatardin orun alghan türkiyening, bu qétim sayahet saheside aldinqi qatardin orun alidighanliqini yazdi.

«hörriyet» géziti, «türkiye hawa yolliri shirkiti ayropilanlirida yémek – ichmekler yépiq qutilarda sunulidu» serlewhilik xewiride, wuxen wirusi sewebidin toxtitip qoyulghan awiyatsiye qatnishini bügün qaytidin bashlighan türkiye hawa yolliri shirkitining, yoluchilargha bérilidighan yémek – ichmek tüzümigimu özgertish kirgüzüp, ayropilanda bérilidighan yémek – ichmeklerni éghizi étik qutilarda bérishni, chay – qehwe mulazimitini toxtitishni qarar qilghanliqini oqurmenliri bilen ortaqlashti.