21.05.2020

бүгүнки түркийә гезитлиридә асасий салмақни игилигән хәвәрлиримиз төвәндикичә:

1421013
21.05.2020

сабаһ гезити «чавушоғлу рүсийәлик мәнсәпдиши лавров билән көрүшти» сәрләвһилик хәвиридә, ташқи ишлар министири мәвлүт чавушоғлуниң түнүгүн русийә ташқи ишлар министири сергей лавров билән телефонда көрүшкәнликини вә сөһбәттә йеңи типлиқ вухән вируси ковид -19 йуқуми, сайаһәт вә районлуқ мәсилиләрни музакириләшкәнликини йазди.

һөррийәт гезити,  «министир ақар 1411 терорчиниң уҗуқтурулғанлиқини ейтти» сәрләвһилик хәвиридә, дөләт мудапиә министири хулуси әқарниң сүрийә вә шималий ирақта терорлуққа қарши күрәшниң тохтавсиз давамлишиватқанлиқини билдүрүп, 1 - йанвардин буйан 1411 терорчиниң биртәрәп қилинғанлиқини ейтқанлиқини йазди.

хәбәр түрк гезити «җумһур рәислик байанатчиси исраилийәниң қошувелиш пиланиға наразилиқ билдүрди» сәрләвһилик хәвиридә, җумһур рәислик байанатчиси ибраһим калинниң исраилийәниң қошувелиш вә ишғал қилиш пиланиға инкас қайтуруп: «биз исраилийәниң ийордан дәрйасиниң ғәрбий қирғиқини қошувелиш пиланини рәт қилимиз, биз дунйани буниңға қарши турушқа чиқиримиз, түркийә пәләстинниң ишғалийитигә вә қушивилиш сийаситигә қарши ташлинидиған барлиқ қәдәмләрни қоллайду» дегәнликини йазди.

ситар гезити,  «министир коҗа байанат елан қилди» сәрләвһилик хәвиридә, сәһийә министири фахрәттин коҗаниң йеңи типтики таҗисиман вирус (Kovid-19) ға қарши елинған тәдбирләрниң җәмийәт тәрипидин қобул қилинғанлиқини ейтқанлиқини һәмдә түнүгүн илим - пән комитети йиғинидин кейин елан қилған байанатида, таҗисиман вирусқа қарши күрәшниң йеқинқи мәзгилдики әң чоң сәпәрвәрлик болидиғанлиқини билдүрүп, «йуқумланғучиларниң сани миңдин төвәнлигәндә, бу төвәнләш ахирқи мувәппәқийәтниң аламити болиду» дегәнликини йазди.

вәтән гезити, «истемалчиларниң май ейи ишәнч көрсәткүчи елан қилинди» сәрләһилик хәвиридә муну учурларға орун аҗратти:

түркийә истатистека идариси май айдики истемалчиларниң ишәнч көрсәткүчини елан қилди. истемалчиларниң ишәнч көрсәткүчи алдинқи айдикигә селиштурғанда %8.5 ашти. апрелдики көрсәткүч %54.9 болған болуп, май ейида %59.5 болди.



مۇناسىۋەتلىك خەۋەرلەر