26.03.2020

bügünki türkiye gézitliride asasiy salmaqni igiligen xewerlirimiz töwendikiche

26.03.2020

yéngi shepeq géziti, dunyadiki 69 dölet türkiyedin yardem telep qildi we 17 döletke yardem yollandi» serlehilik xewiride, jumhur reis rejep tayyip erdoghanning wuxen wirusi tedbirlirige alaqidar xelqqe xitab qilghanliqini yazdi.

erdoghan xelqqe qilghan xitabida, «puqralirimizdin birla telipimiz bar, aldimizdiki halqiliq künlerde késellikning tarqilish süitini toxtitish üchün omumiy yüzlük agahlandurushlargha toluq riaye qilishidur. shundaq bolghandila eng qisqa waqit ichide biz normal turmushimizgha qaytalaymiz. her bir wetendishimizning jéni bizge nisbeten özgiche ehmiyetke ige. shunga <öyingde öltür tükiye!> deymiz. mana bügün dunyadiki 69 dölet, türkiyedin yardem telep qildi we 17 döletke imkaniyitimizge yarisha yardem yolliduq» dédi.

weten géziti, «ministir koja eslige kelgen yuqumlanghuchilarning sanini élan qildi» serlehilik xewiride, sehiye ministiri faxrettin  kojaning türkiyede wuxen wirusi yuqumidin saqayghanlarning sani üstide toxtilip,  «65 yashta bir bimarimiz 8 kün jiddiy dawalash élip bérilghandin kéyin tünügün (seyshenbe)  küni doxturxanidin saqiyip chiqti. 60 yashliq yene bir bimarimizmu  bügün (charshenbe) doxturxanidin saqiyip chiqti. türkiyede eslige kelgen yuqumlanghuchilarning sani 26  ge yetti» dégenlikini yazdi.

sabah  géziti, «ministir albayraq: <yardem seperwerlikini barliq shirketlirimiz bilen birge bashlaymiz!> dédi» serlehilik xewiride, munu uchurlargha orun ajratti:

xezine we maliye ministiri berat albayraq özining ijtimaiy taratqu hésabatidiki wuxen wirusi tedbirliri heqqide élan qilghan bayanatida,  «iqtisadiy muqimliq qalqini dairiside, biz barliq sahelirimiz, barliq shirketlirimiz, ammiwiy bankilirimiz,  hessidarliq pul-muamile organlirimiz bilen birlikte <soda sanaetning izchilliqini dawamlashturush> yardem seperwerlikini bashlaymiz» dédi.

hörriyet géziti, «türkiye tiransport shirkiti, yük toshush iqtidarini téximu ashurghan halda türkiyege tibbiy eslihelerni yetküzmekte» serlehilik xewiride, munularni qeyt qildi:

tesiri yer shari xaraktérliq, lékin qarshi küresh dölet xaraktérliq élip bériliwatqan bu qéyin wuxen wirusi apiti mezgilide,  türkiye tiransport shirkiti éhtiyajliq tibbiy eslihelerni aldi bilen xelqaradin türkiyege, andin türkiyedin htiyajliq bashqa döletlerge yetküzüshte köwrüklük rol oynashni dawamlashturmaqta. türkiye tiransport shirkiti bu dairide, xitaydin teminlengen we 15 minutta  wirusni bayqiyalaydighan téz tekshürüsh üskinisini türkiyege yetküzdi.

sitar géziti, «amérikada tunji dora ishlitish siniqi bashlandi» serlehilik xewiride, amérikaning nyu-york ishtatida wuxen wirusigha ünümlük tesir körsitishi mölcherlengen bir dorini snaq qilish bashlanghanliqini yazdi.



مۇناسىۋەتلىك خەۋەرلەر