25.02.2020

бүгүнки түркийә гезитлиридә асасий салмақни игилигән хәвәрлиримиз төвәндикичә:

1365832
25.02.2020

түркийә авази радийоси:«стар гезити», ливийә бирләшмә һөкүмитиниң ташқи ишлар министири муһәммәд әттаһир сәййаләниң түркийәниң пайтәхт тириполидики пуқраларни қоғдаш үчүн ливийәдә икәнликини билдүрүп: «түркийә болмиған болса, һазирқи орнимизда болалишимиз мумкин әмәсти. түркийәниң ливийәдики мәвҗутлуқи тәңпуңлуқни капаләткә игә қилиду» дегәнликини хәвәр қилди.

«йеңи шәпәқ гезити», сайаһәтчиликтә 2019-йилини рекорт билән ахирлаштурған түркийәниң, йеңи йилниң йанвар ейида башқа вақитларға селиштурғанда әң йуқири чәт әллик сайаһәтчиләр санини қолға кәлтүргәнликини хәвәр қилди.

хәвәрдә, 2020-йилиниң йанвар ейида түркийәгә 1 милйон 787 миң 435 сайаһәтчиниң кәлгәнлики, буни 2019-йилиниң охшаш мәзгилигә селиштурғанда, чәт әллик сайаһәтчи санида %16.11 ешиш көрүлгәнлики қәйт қилинди.

«һөррийәт гезити», дунйа сайаһәт тәшкилатиниң муавин башлиқи гунтер еһлав (Gunter Ihlau) ниң, түркийә сайаһәтчиликиниң, келәрки йилларда техиму йахши болидиғанлиқини ейтқанлиқини хәвәр қилди.

хәвәрдә, гунтер еһлавниң йеқинқи20 йилда түркийәниң сайаһәтчилик саһәсидә көп тәрәққий қилғанлиқини билдүрүп, қуйаш, деңиз вә тарихниң түркийәдә тәбиий һалда бир-биригә гирәлишип кәткәнликини, дунйада буниңға охшайдиған әһвалниң йоқлуқини әскәрткәнлики қәйт қилинди.

«вәтән гезити», кийим-кечәкләрни парчә тарқитиш ширкити примак (Primark) ниң хоҗайини җон басон (John Bason) ниң, хитайниң вухән вируси сәвәбидин тәййар кийим-кечәк тәминләшни ақситип қойуш әһвалиға тақабил туруш үчүн, түркийәни өз ичигә алған бәзи тәминлигүчи дөләтләр билән көрүшкәнликлирини ейтқанлиқини хәвәр қилди.

қәйт қилинишичә, феврал ейиниң бешида хитайдин тәййар кийим-кечәк импорт қилидиған ширкәтләр вухән вируси сәвәбидин оттуриға чиққан ишләпчиқириш хәтиригә қарши мал закаслирини өзгәртиш үчүн түркийә ширкәтлири билән көрүшүшни башлиған.

«хәбәр түрк гезити», түркийәлик дохтур ибраһим бәнтәр өзи йасиған «ACE2/Angiotensin-(1-7)» система билән хитайда оттуриға чиқип, қисқа вақит ичидила дунйаға тарқалған вухән вирусиниң алдини алалайдиғанлиқини ейтқанлиқини хәвәр қилди.

хәвәрдә, дохтур ибраһим бәнтәрниң тепилған давалаш усулиниң һазирму бемарларға пайдилиқ болған әң йахши давалаш усуллириниң бири болуш мумкинликини, тәтқиқатларниң қисқа вақит ичидә ениқ болидиғанлиқини әскәртип: «мениңчә вухән вирусиға қарши һәл қилиш чариси түркийәдә тепилиши мумкин» дегәнлики қәйт қилинди.       



مۇناسىۋەتلىك خەۋەرلەر