24.01.2020

бүгүнки түркийә гезитлиридин таллап тәййарлиған хәвәрлиримизниң қисқичә мәзмунлири төвәндикичә:

24.01.2020

түркийә авази радийоси: «<хабәртүрк> гезити», «чавушоғлу: уруш тохтитиш давамлишидиғанла болса, ливийә қошумчә әскәр әвәтилмәйду (деди)» сәрләвһилик хәвиридә, дөлитимиз (түркийә җумһурийити) ташқи ишлар министири мәвлүт чавушоғлуниң, ливийәдә уруш тохтитиш келишимигә риайә қилинидиғанла болса, түркийәниң бу дөләткә запас әскәр әвәтмәйдиғанлиқини ейтқанлиқини йазди. хәвәрдә көрситилишичә, ливийәдики әң муһим шәртниң тоқунушларниң тохтитиши икәнликини тәкитлигән чавушоғлу, диққәтлирини ливийә мәсилисигә сийасий чарә тепишқа мәркәзләштүридиғанлиқлирини билдүргән.

«<йеңи шәпәқ> гезити», «һафтәрниң йолучилар айропиланлирини етип чүшүрүш тоғрисидики тәһдити түркийәниң қолини күчләндүриду» сәрләвһилик хәвиридә, ливийәдә митига айродурумини град намлиқ башқурулидиған бомбиларни ишлитип бордиман қилған һафтәр күчлириниң, тириполиға йеқинлашқан йолучилар айропиланлирини етип чүшүридиғанлиқини ейтип тәһдит салғанлиқини йазди. гезитиниң хәвиридә көрситилишичә, мәзкур байанатларниң түркийәгә нисбтән күчлүк козир болидиғанлиқини билдүргән дәм елишқа чиққан учқучи биригада генерали бәйазит қараташ, «түркийә, ливийә һава мудапиә системилирини йоллиди. түркийә һава армийәси һафтәр күчлирини әркин – азадә һалда бомбардиман қилалиғудәк күчкә игә. буниңдин кейинки ишларға уруш тохтитишни халимиған һафтәр баш қатурсун» дегән.

«<стар> гезити», «столтенберг: түркийәниң нато әзалиқиниң әһмийитини чүшинишкә мәҗбурмиз (деди)» сәрләвһилик хәвиридә, шималий атлантик әһди тәшкилати – нато баш катипи йенс столтенбергниң, түркийәниң наһайити муһим бир нато иттипақдиши икәнликини әскәртип, « түркийәниң нато әзалиқиниң әһмийитини чүшинишкә мәҗбурмиз» дегәнликини йазди. хәвәрдә көрситилишичә, йенс столтенберг, «түркийә бир қанчә җәһәттин наһайити муһим бир нато иттипақдиши. натониң вәзипә вә һәрикәтлиригә һәссә қошуп келиватқан түркийә, әйни вақитта даеш үстидин қолға кәлтүрүлгән утуқта наһайити муһим рол ойниди» дегән.

«<һөррийәт> гезити», «түркийәниң 2019 – йилидики мудапиә вә авийатсийә експорти 2 милйард 400 милйон долларға йәтти» сәрләвһилик хәвиридә, түркийәниң 2019 – йили мудапиә вә авийатсийә саһәсидики експортиниң бултурқиниң охшаш мәзгилигә селиштурғанда %35 ешип, 2 милйард 400 милйон долларға йәткәнликини йазди. гезитиниң хәвиридә көрситилишичә, түркийәдә мудапиә вә авийатсийә саһәси санаитидә 50 миңға йеқин адәм хизмәт қилидикән. түркийә келәчәкниң уруш айропилани, узун мусапилик һава мудапиә системилири, сүний һәмраһ вә сүний һәмраһ қойуп бериш системилири дегәндәк саһәләрдә мәһсулат ишләпчиқиришни давамлаштуруватқан болуп, дунйадики чоң ширкәтләр билән риқабәтлишәлигүдәк мәһсулатларни оттуриға чиқармақта икән.

«<вәтән> гезити», «бәрат албайрақ: түркийә иқтисадий җәһәттә күчлүк өзгириш басқучини баштин кәчүрди (деди)» сәрләвһилик хәвиридә, хәзинә вә малийә ишлири министири бәрат албайрақниң, түркийәниң ишләпчиқириш җәһәттә иҗадкар, тәшәббускар характердики хусусий игиликтики ширкәтләргә игә икәнликини әскәрткәнликини йазди. хәвәрдә, йеңи (иқтисадий) системиниң үнүминиң йахши болғанлиқини билдүргән албайрақниң, өсүм нисбити вә пул пахаллиқиниң төвәнлишидиму буниң ипадиләнгәнликини ейтқанлиқи қәйт қилинди. хәвәрдә көрситилишичә, албайрақ, түркийә мәркизий банкисиниң америка мәркизий банкисиға охшашла мустәқил икәнликини әскәрткән.



مۇناسىۋەتلىك خەۋەرلەر