23.01.2020

türkiye awazi radiyosi: «xeber türk géziti», xezine we maliye ministiri berat albayrakning, türkiyege we istanbul pul-muamile merkizige zor qiziqishning barliqini éytqanliqini xewer qildi.

xewerde, berat albayrakning dawosta nurghun chet el shirketlirining mesulliri bilen körüshkenlikini bildürüp: «istanbulning pul-muamile merkizi bolushtek hékayisi özlikidin parlawatidu. pars qoltuqi we asiya döletliri pul-muamile merkizi üchün zor qiziqish bar, uchrishishlar dawamlishiwatidu» dégenliki qeyt qilindi.

«hörriyet géziti», soda ministiri ruhsar pekjanning türkiyening toluq menisi bilen éytqanda, pursetler döliti ikenlikini eskertip, dunya miqyasidiki chong shirketlerning türkiyege meblegh sélishni oylishiwatqanliqini éytqanliqini xewer qildi.

xewerde, ruhsar pekjanning türkiyediki mewjut xelqara meblegh salghuchilarning, yoshurun küchni nahayiti yaxshi tonup yetkenliki üchün, yéngi mebleghlerni sélip, téximu zoriyish yolini tutuwatqanliqini bildürgenliki qeyt qilindi.

«star géziti», türkiyening tog  (TOGG) aptomobil ishlepchiqirish guruhi 2022-yili bazargha salidighan aptomobilning, qirghizistan soda-sanaetchilirining qiziqishini qozghighanliqini xewer qildi.

xewerde, qirghizistanliq soda-sanaetchilerdin mederbek aitbayéwning: «bu aptomobildin milyonlarchisi zakas qiliniptu. bu, buning muweppeqiyetlik layihe ikenlikini körsitip béridu. bu muweppeqiyetlik layihening bir qismini ottura asiyagha, qirghizistangha apirishni xalaymiz» dégenliki bildürüldi.

«sabah géziti», türkiye merkiziy bankasining bashliqi murat uysalning, pul paxalliqi we pul siyasitide inchike siyaset ijra qilish zörür bolghan mezgilge kirgenliklirini éytqanliqini xewer qildi.

xewerde, yanwar éyida ösümni töwenletkenliklirini bildürgen murat uysalning: «pul paxalliqida kütken yaxshilinish, bizni bu qedemlerni muwapiq shekilde tashlash imkaniyitige ige qildi. mushu yilning otturisida, pul paxalliqi nisbitining bir xaniliq sangha töwenlishini kütimiz» dégenliki qeyt qilindi.