22.01.2020

türkiye awazi radiyosi: hörriyet géziti, «chawushoghlu: <yawropa ittipaqi chetke qaqidighan emes, qochaqlighuchi bolushi lazim> dédi» serlewhlik xewiride munularni yazdi:

shiwéyétsariyening dawos yézisida ziyarette boluwatqan tashqi ishlar ministiri mewlüt chawushoghlu tünügün gherbiy balqanlar diplomatiye diyalog yighinigha qatnashti. mewlüt chawushoghlu élan qilghan bayanatida, «biz öz nöwitide yene bir balqan döliti bolush süpitimiz bilen, balqanning muqimliqigha we balqandiki qérindashlirimizning xatirjemlikige zor ehmiyet bérimiz. yawropa ittipaqi rayondiki döletlerge bergen wedisige emel qilishi lazim. chetke qaqidighan emes, qochaqlighuchi bolushi lazim» dédi.

xeber türk géziti, «rusiye dölet mudapie ministiri shoygu türkiye dölet mudapie ministiri aqar bilen körüshti» serlewhlik xewiride munularni qeyt qildi:

rusiye dölet mudapie ministiri sérgéy shoygu türkiye dölet mudapie ministiri xulusi aqar bilen télfon söhbiti ötküzdi. söhbette idlib we liwiye mesilisidin bashqa yene, ottura sherq we shimaliy afriqining yéqinqi weziyiti üstide pikir almashturuldi.

sabah géziti, «ministir warank iran muawin pirézidénti bilen körüshti» serlewhilik xewiride munularni oqurmenlirining diqqitige sundi:

sanaet we téxnika ishliri ministiri mustapa wrank tünügün iranning pen - téxnika ishlirigha mesul muawin pirézidénti soréna sattari bilen ministirliq ishxanisida körüshti. mustapa wrank türkiye bilen iran otturisidiki hemkarliqning tereqqiy qildurulishining ikki döletningla emes, öz nöwitide yene rayonning bayashatliqighimu hesse qoshidighanliqini bildürüp, «özara tirishchanliqimiz bilen bolupmu sanaet, téxnika we ilim – pen sahesidiki hemkarliqimizni téximu ilgiriliteleydighanliqimizgha ishinimen» dédi.

sitar géziti, «türkiye afriqida yer asti bayliqlarni qédirip tekshüridighan boldi» serlewhilik xewiride munu uchurlargha orun ajratti:

énérgiye we tebiiy bayliqlar ministiri fatih dönmez türkiyening kan sahesidiki tejribilirini négiriye bilen ortaqlishishni xalighanliqini, bu munasiwet bilen négiriyening gherbiy jenubidiki 3 kan saheside qidirip tekshürüsh xizmetliride bolidighanliqini bildürdi.

yéngi shepeq géziti, «chankirining tash tuzi türkiyening méditsina tuz éhtiyajini qamdaydu» serlewhilik xewiride munularni yazdi: 

chankiridiki 5 ming yilliq tuz gharidin chiqirilghan tash tuzi zawutlarda pishshiqlap ishlinip, sehiye saheside ishlitilishi üchün méditsina tuzigha aylandurulidu. zawut mudiri hesen aqgüch türkiyediki omumiy istémal éhtiyajining %70 yaki %80 i mushu bir zawut teripidinla qamdiliwatqanliqini bildürdi.