13.01.2020

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

13.01.2020

türkiye awazi radiyosi: «<hörriyet> géziti», «dolmabahchede muhim uchrishish (ötküzüldi)» serlewhilik xewiride, jumhur reis rejep tayyip erdoghanning tünügün jumhur reislik mehkimisining istanbul dolmabahchediki ishxanisida xelqaraning étirap qilishigha érishken liwiye milliy birlik hökümitining bash ministiri fayiz esserrajni qobul qilghanliqini؛ uchrishishta, liwiye kélishimi we herbiy hemkarliq mesililirining muhakime qilinghanliqini yazdi.

«<weten> géziti», «jumhur reislik mehkimisi bayanatchisi ibrahim qalin <liwiye toghrisida  bayanat (berdi)>» serlewhilik xewiride, jumhur reislik mehkimisi bayanatchisi ibrahim qalinning, liwiye we süriyening idlib shehiride urush toxtitish élan qilinishining, türkiye yaqlawatqan tinchliq diplomatiyesining konkrét netijiliri ikenlikini éytqanliqini yazdi. gézitining xewiride körsitilishiche, bayanatchi qalin tiwittér adrési arqiliq bayanat bérip, «diplomatiye bir musapini idare qilish senitidur. meqset, dölitimiz we rayonimizning tinchliq, xewpsizlik, muqimliq we bayashatliqini kapaletke ige qilishtur» dégen.

«<yéngi shepeq> géziti», «chawushoghlu italiyelik mensepdéshi maiyo bilen liwiye toghrisida sözleshti» serlewhilik xewiride, dölitimiz (türkiye jumhuriyiti) tashqi ishlar ministiri mewlüt chawushoghlu bilen italiye tashqi ishlar ministiri luigi di maiyoning tünügün téléfon söhbiti ötküzüp, sherqiy aqdéngiz we liwiyediki eng yéngi özgirishler toghrisida sözleshkenliki toghrisidiki uchurlarni oqurmenliri bilen ortaqlashti.

«<sabah> géziti», «istanbul ayrodurumida uxlash botkisi mulazimiti xizmetke kirishtürüldi» serlewhilik xewiride, istanbul ayrodurumida chet ellerdiki köpligen ayrodurumlarda bar bolghan uxlash botkisi mulazimitining yolgha qoyulghanliqini yazdi. gézitining xewiride körsitilishiche, istanbul ayrodurumining bashqurush xizmetlirini üstige alghan –IGA, yoluchilargha qilinidighan mulazimetning süpitini yuqiri kötürüsh üchün chet elge uchidighan yoluchilar qewitide uxlash botkisi mulazimitini yolgha qoyghan bolup, xalighan yoluchilar botkilardin saitige 9 yawro tölep paydilinalaydiken.

«<star> géziti», «pütken chéghida türkiyening eng uzun tonéli bolidu» serlewhilik xewiride töwendiki uchurlarni oqurmenliri bilen ortaqlashti: ghaziantep – osmaniye – adana téz poyiz qurulushining toroslar téghini késip ötidighan 9800 métirliq tonélning köp qismi pütti. türkiyening eng uzun qosh yönilishlik tömür yoli tonéli 5 saet 20 minutluq poyiz sepirini bir yérim saetke qisqartidu.


خەتكۈچ: uyghurche , metbuat , gézit , türkiye

مۇناسىۋەتلىك خەۋەرلەر