05.12.2019
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: «‹xewer türk› géziti», «erdoghan süriye térrotériyesini bésiwélish niyiti barlarning bu niyitidin yénishining zörürlükini éytti» serlewhilik xewiride, töwendiki melumatlarni oqurmenlirining diqqitige sundi:
jumhur reis rejep tayyip erdoghan türkiyening milliy bixeterlikini qoghdash mesiliside héchkimdin ijazet sorimastin herbiy heriket élip bérish iqtidarigha ige qudretlik bir dölet ikenlikini eskertish bilen bir waqitta, süriyedin térrorchilarni tamamen qoghlap chiqarghangha qeder türkiyening bu dölettiki herbiy mewjudiyitining izchil dawamlishidighanliqini tekitlep mundaq dédi: «bizning süriye térrotériyesini bésiwélish niyitimiz yoq, emma shundaq niyiti barlar süriyedin derhal esker chékindürüshi kérek.»
«‹star› géziti», «türkiye shimaliy atlantik ehdi teshkilati bashliqlar yighinida nishanigha yetti» serlewhilik xewiride, töwendiki melumatlargha orun ajratti:
amérika qoshma ishtatliri türkiyening étirazlirigha qarimay y p g ning térrorluq teshkilati süpitide étirap qilinishigha tosalghu bolushidin kéyin, türkiyemu baltiq döletlirining yéngi mudapie pilanini wéto qilish pozitsiyesini izchil dawamlashturdi. buning netijiside shimaliy atlantik ehdi teshkilati bashliqlar yighinida enqere nishanigha yetti.
shimaliy atlantik ehdi teshkilati bash katipi stolténbérg élan qilghan bayannamide, nato teripidin 2015 – yili élan qilinghan we y p g ning térrorluq teshkilati ikenliki eskertilgen höjjet neqil keltürülüp mundaq déyildi: «térrorizm barliq türliri we dawrangliri bilen hemmimiz üchün tehdit shekillendürüshni dawamlashturmaqta.»
«‹yéngi shepeq› géziti», «türkiye sherqiy aqdéngizda oyniliwatqan suyiqestlik oyunni tarmar qildi» serlewhilik xewiride, töwendiki uchurlarni oqurmenlirining diqqitige sundi:
énérgiye we tebiiy bayliqlar ministiri fatih dönmez türkiyening liwiye bilen tüzgen «déngiz hoquqi sahelirining chek – chégralirini taraytish kélishimi» heqqide élan qilghan bayanatida mundaq dédi: «bu kélishim arqiliq sherqiy aqdéngizda türkiyeni küch tengpungluqining sirtida qaldurush nishan qilinghan suyiqestlik oyunni tarmar qilduq. derweqe, hem türkiyeni hem liwiyeni bu oyunning sirtida qaldurushni pilanlawatqanlar bar idi. jümlidin, bu kélishim xelqara déngizchiliq ishliri qanuni jehettinmu nahayiti toghra bir kélishimdur.»
«‹sabah› géziti», «2020 – yiil türkiyege nisbeten xshallinarliq bir yil bolidu» serlewhilik xewiride, töwendiki bayanlargha orun ajratti:
türkiyening iqtisadiy tereqqiyat jehettin tézlik bilen qeddini ruslishi yerlik we chet ellik meblegh salghuchilarning ishtahini ashurdi. 2020 – yili türkiyening iqtisadiy tereqqiyatining téz algha siljishi we chet el sélinmilirining döletke kirish süritining tézlishishi kütülmekte. dunyada biwasite chet el sélinmiliri % 13 azayghan 2018 – yilimu chet el sélinmilirini % 13 ashurghan türkiyege, 2020 – yili 15 milyard dollardin artuq chet el sélinmilirining kirishi mölcherlenmekte.
«‹höriyet› géziti», «dunya boyiche eng köp ziyaret qilinghan sheherlerning tizimliki élan qilindi, türkiye tizimlikte ikkinchi rettin orun aldi» serlewhilik xewiride, töwendiki melumatlarni oqurmenlirining diqqitige sundi:
merkizi engliyediki herqaysi iqtisadiy saheler, döletler we istémalchilar heqqide dunya miqyasida istiratégiyelik tetqiqat élip baridighan « Euromonitor International» «dunya boyiche eng köp ziyaret qilghan sheherler» tizimlikini élan qildi. tizimlikke, türkiyedin istanbul bilen antalyamu kirgüzüldi. tizimlikte, istanbulni 2018 – yili 13 milyon 433 ming, 2019 – yili 14 milyon 715 ming kishining ziyaret qilghanliqi, antalyani bolsa 2018 – yili 12 milyon 438ming, 2019 – yili 13 milyon 332 ming 100 kishining ziyaret qilghanliqi eskertildi.
