02.12.2019

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

02.12.2019

türkiye awazi radiyosi: «<xabertürk> géziti», «chawushoghluning qanal istanbul analizi: tarix özgiridu» serlewhilik xewiride, (türkiye jumhuriyiti) tashqi ishlar ministiri mewlüt chawushoghluning «qanal istanbulni échishni bashlighinimizda, dunyada déngizchiliq we qatnash nuqtisidin tarix özgiridu. burulush nuqtisi bolidu» dégenlikini yazdi.

gézitining xewiride körsitilishiche, mewlüt chawushoghlu tünügün antalyaning alanya nahiyesidiki bir méhmanxanida ötküzülgen adalet we tereqqiyat partiyesi yashlar qaniti aqdéngiz rayoni yighinida söz qilip, türkiyening kücheygenséri aldigha chiqiwatqan mesililerning shekliningmu özgiriwatqanliqini eskertken.

«<sabah> géziti», «dölet mudapie ministirliqi: térrorluq hujumlirigha qarshi yol tekshürüsh nuqtiliri berpa qilinmaqta» serlewhilik xewiride, (türkiye jumhuriyiti) dölet mudapie ministirliqining, térrorluq teshkilati p k k / y p g ning aptomobil bombilar bilen bigunah puqralarni zerbe obyékti qilghan térrorluq hujumlirigha taqabil turush üchün yol tekshürüsh nuqtilirining tesis qilinghanliqini uqturghanliqini oqurmenliri bilen ortaqlashti.

«<weten> géziti», «ministirliq chégradin qoghlap chiqirilghanliqini uqturdi» serlewhilik xewiride, (türkiye jumhuriyiti) ichki ishlar ministirliqining bayanat bérip, chet ellik térrorchilarni döletlirige qayturup bérish xizmetlirining dawamlishiwatqanliqini؛ bu dairide tünügün irélandiyelik bir térrorchining dölitige qayturup bérilgenlikini uqturghanliqini yazdi.

«<star> géziti», «chet ellik sayahetchi sani 41 milyongha yéqinlashti» serlewhilik xewiride, türkiyening mushu yil (2019) ning deslepki 10 éyida bulturqining oxshash mezgilige sélishturghanda %14.47 lik éshishni qolgha keltürüp, 40 milyon 719 ming 786 chet ellik sayahetchini kütüwalghanliqi toghrisidiki uchurlarni oqurmenliri bilen ortaqlashti. türkiyege mushu yilning deslepki 9 éyida 36 milyon 428 ming chet ellik sayahetchi kelgenidi.

«<yéngi shepeq> géziti», «down séndromluq tenheriketchimiz talha ahmet erdem tarixiy utuq qazandi» serlewhilik xewiride, down séndromluqlar dunya chémpiyonluqini talishish judo musabiqiside talha ahmet erdemning altun médalgha ériship, bu sahede türkiyege tunji dunya chémpiyonluqini keltürgenlikini yazdi. (down séndromi – tughma dötlük késelliki, depmu atilidu)


خەتكۈچ: uyghurche , gézit , metbuat , türkiye

مۇناسىۋەتلىك خەۋەرلەر