02.12.2019

бүгүнки түркийә гезитлиридин таллап тәййарлиған хәвәрлиримизниң қисқичә мәзмунлири төвәндикичә:

02.12.2019

түркийә авази радийоси: «<хабәртүрк> гезити», «чавушоғлуниң қанал истанбул анализи: тарих өзгириду» сәрләвһилик хәвиридә, (түркийә җумһурийити) ташқи ишлар министири мәвлүт чавушоғлуниң «қанал истанбулни ечишни башлиғинимизда, дунйада деңизчилиқ вә қатнаш нуқтисидин тарих өзгириду. бурулуш нуқтиси болиду» дегәнликини йазди.

гезитиниң хәвиридә көрситилишичә, мәвлүт чавушоғлу түнүгүн анталйаниң аланйа наһийәсидики бир меһманханида өткүзүлгән адаләт вә тәрәққийат партийәси йашлар қанити ақдеңиз райони йиғинида сөз қилип, түркийәниң күчәйгәнсери алдиға чиқиватқан мәсилиләрниң шәклиниңму өзгириватқанлиқини әскәрткән.

«<сабаһ> гезити», «дөләт мудапиә министирлиқи: террорлуқ һуҗумлириға қарши йол тәкшүрүш нуқтилири бәрпа қилинмақта» сәрләвһилик хәвиридә, (түркийә җумһурийити) дөләт мудапиә министирлиқиниң, террорлуқ тәшкилати п к к / й п г ниң аптомобил бомбилар билән бигунаһ пуқраларни зәрбә обйекти қилған террорлуқ һуҗумлириға тақабил туруш үчүн йол тәкшүрүш нуқтилириниң тәсис қилинғанлиқини уқтурғанлиқини оқурмәнлири билән ортақлашти.

«<вәтән> гезити», «министирлиқ чеградин қоғлап чиқирилғанлиқини уқтурди» сәрләвһилик хәвиридә, (түркийә җумһурийити) ички ишлар министирлиқиниң байанат берип, чәт әллик террорчиларни дөләтлиригә қайтуруп бериш хизмәтлириниң давамлишиватқанлиқини؛ бу даиридә түнүгүн иреландийәлик бир террорчиниң дөлитигә қайтуруп берилгәнликини уқтурғанлиқини йазди.

«<стар> гезити», «чәт әллик сайаһәтчи сани 41 милйонға йеқинлашти» сәрләвһилик хәвиридә, түркийәниң мушу йил (2019) ниң дәсләпки 10 ейида бултурқиниң охшаш мәзгилигә селиштурғанда %14.47 лик ешишни қолға кәлтүрүп, 40 милйон 719 миң 786 чәт әллик сайаһәтчини күтүвалғанлиқи тоғрисидики учурларни оқурмәнлири билән ортақлашти. түркийәгә мушу йилниң дәсләпки 9 ейида 36 милйон 428 миң чәт әллик сайаһәтчи кәлгәниди.

«<йеңи шәпәқ> гезити», «довн сендромлуқ тәнһәрикәтчимиз талһа аһмәт әрдәм тарихий утуқ қазанди» сәрләвһилик хәвиридә, довн сендромлуқлар дунйа чемпийонлуқини талишиш җудо мусабиқисидә талһа аһмәт әрдәмниң алтун медалға еришип, бу саһәдә түркийәгә тунҗи дунйа чемпийонлуқини кәлтүргәнликини йазди. (довн сендроми – туғма дөтлүк кесәллики, дәпму атилиду)



مۇناسىۋەتلىك خەۋەرلەر