05.11.2019

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

05.11.2019

түркийә авази радийоси: «‹вәтән› гезити», «бөлгүнчи террорлуқ тәшкилатиниң қорал - йарағ искилатлирида америка қошма иштатлириға аит  шрапнел атидиған зәмбирәкләр тепилди» сәрләвһилик хәвиридә, төвәндики мәлуматларни оқурмәнлириниң диққитигә сунди:

түркийә армийәси билән сүрийә миллий армийәси сүрийәниң рәсуләйн наһийәсидә террорчиларға аит наһайити чоң бир қорал - йарағ искилатини оттуриға чиқарди. бу йәрдики қорал - йарағ вә оқ – дориларниң америка қошма иштатлириға аит икәнлики ениқлап чиқилди.

җумһур рәис рәҗәп таййип әрдоған америка қошма иштатлирини бөлгүнчи террорлуқ тәшкилати  й п г/п к к ға он миңларчә йүк аптомобиллиқ қорал - йарағ вә оқ - дора әвәтип, иттипақдашлиқ мунасивәтлиригә зийан йәткүзүватқанлиқини билдүрүп, агаһландурғаниди.

«‹йеңи шәпәқ› гезити», «<тинчлиқ булиқи> һәрбий һәрикити давамида пуқраларға, тарихий/диний йадикарлиқларға зийан йәткүзүлгини йоқ» сәрләвһилик хәвиридә, төвәндики учурларни оқурмәнлириниң диққитигә сунди:

түркийә дөләт мудапиә министирлиқи аммиви ортақлишиш тор бети Twitter сәһиписидә, фото сүрәтләр арқилиқ учур тарқитип, сүрийәниң шималий қисмида бөлгүнчи террорлуқ тәшкилати  й п г/п к к вә даешқа қарши елип берилған «<тинчлиқ булиқи> һәрбий һәрикити» давамида, пуқраларға, тарихий, диий йадикарлиқларға, муһитқа қилчә зийан селинмиғанлиқини уқтурди, тәләбйад вә рәсуләйн районлиридики инсанларниң бу һәрикәттә қилчә зийанға учримиғанлиқини тәкитлиди.

«‹стар› гезити», «қазақистан түркийә үчүн мәбләғ селиш ишлири базиси болалайдиғанлиқини билдүрди» сәрләвһилик хәвиридә, төвәндики мәлуматларға орун аҗратти:

қазақистанниң әнқәрә баш әлчиси абзал сәпәрбекули, 10 – нойабир күни истанбулда чақирилидиған «түркийә – қазақистан сода – иқтисад вә селинма мунбири» йиғини һарписида, икки дөләт оттурисидики иқтисадий мунасивәтләр һәққидә тохтилип мундақ деди: «түркийә билән қазақистан имканийәтләр һәм пурсәтләрдин пайдилинип бирликтә һәрикәт қилиши лазим. қазақистан түркийәгә нисбәтән мукәммәл мәбләғ селиш базиси болалайду.»

«‹хәвәр түрк› гезити», «түркийәниң пул пахаллиқи нисбити йеқинқи үч йилдин буйанқи әң төвән сәвйәдә» сәрләвһилик хәвиридә, төвәндики байанларға орун аҗратти:

йиллиқ пул пахаллиқи нисбити өктәбир ейида % 0.7 кемийип, % 9.26 тин % 8.55 кә төвәнлиди. шуниң билән, пул пахаллиқи тәхминән үч йилдин буйанқи әң төвән сәвийәгә чүшкән болди. өктәбир ейидики йемәк - ичмәк мәһсулатлириниң баһасиниң чүшүши пул пахаллиқи нисбитиниң төвәнлишидә муһим рол ойниди. 

хәзинә вә малийә ишлири министири бәрат албайрақ бу һәқтә елан қилған байанатида, «пул пахаллиқиға қарши елип бериватқан  күришимиз мевә беришкә башлиди» деди.

«‹һөрийәт› гезити», «түркийә тәбиий газ вә нефит қидирип тәкшүрүш паалийәтлирини кәң қанат йайдуриду» сәрләвһилик хәвиридә, төвәндики мәлуматларни оқурмәнлириниң диққитигә сунди:

2020 – йиллиқ җумһур рәислик сарийи йиллиқ хамчот пирограммисиға асасланғанда, келәр йили енергийә саһәсигә 13 милйард 864 милйон лира мәбләғ селиниши мөлчәрләнмәктә икән. түркийә 2020 - йили шималий қибрис түрк җумһурийитидики қанунлуқ деңизда паалийәт елип бериш саһәлириниму өз ичигә алған саһәләрдә уда 5 қетим деңизда тәбиий газ вә нефит қидирип тәкшүрүш паалийәтлирини елип баридикән.



مۇناسىۋەتلىك خەۋەرلەر