17.10.2019

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

17.10.2019

түркийә авази радийоси: «‹сабаһ› гезити», «җумһур рәис әрдоған <тинчлиқ булиқи> һәрбий һәрикитиниң мунбичтин ирақ чеграсиғичә давамлишидиғанлиқини ейтти» сәрләвһилик хәвиридә, төвәндики мәлуматларни оқурмәнлириниң диққитигә сунди:

җумһур рәис рәҗәп таййип әрдоған түнүгүн адаләт вә тәрәққийат партийәсиниң гуруппа йиғинида бәргән байанатида, сүрийәниң шәрқий шималий қисмида түркийә армийәси тәрипидин елип бериливатқан «<тинчлиқ булиқи> һәрбий һәрикити» тоғрулуқ муһим байанатларни берип мундақ деди: «<тинчлиқ булиқи> һәрбий һәрикитимиз мунбичтин таки ирақ чеграсиғичә давамлишиду.»

«‹стар› гезити», «министир чавушоғлу башқиларниң террорчилар дөлити қуруп чиқиштин ибарәт суйиқәстлик пиланини тармар қилғанлиқлирини ейтти» сәрләвһилик хәвиридә, төвәндики мәлуматларға орун аҗратти:

түркийә ташқи ишлар министири мәвлүт чавушоғлу түркийә сүрийәдә «фират дәрйаси» ниң шәрқий қисмида террорлуқ тәшкилатлириға қарши қозғиған «<тинчлиқ булиқи> һәрбий һәрикити» тоғрулуқ түнүгүн түркийә бүйүк милләт мәҗлисидә чақирилған парламент әзалириға мәлумат бериш йиғинида мундақ деди: «бәзи дөләтләрниң <тинчлиқ булиқи> һәрбий һәрикитидин нарази болушлириниң сәвәби, бизниң уларниң террорчилар дөлити қуруштин ибарәт суйиқәстлик пиланини тармар қилишимиздур. уларниң бизгә әнә шундақ һуҗум қилишлириниң йәнә бир сәвәби болса мәқсәтлиригә йетәлмигәнликидиндур.»

«‹вәтән› гезити», «җумһур рәислик сарийи байанатчиси ибраһим қалин бихәтәр районниң даешқа қарши күрәшкә зийан йәткүзмәйдиғанлиқини ейтти» сәрләвһилик хәвиридә, төвәндики мәлуматларни оқурмәнлири билән ортақлашти:

җумһур рәислик сарийи байанатчиси ибраһим қалин «<тинчлиқ булиқи> һәрбий һәрикити» тоғрулуқ бәргән байанатида, мундақ деди: «түркийә қурмақчи болған бихәтәр район һечбир шәкилдә террорлуқ тәшкилати даешқа қарши  күрәшкә зийан йәткүзмәйду.»

«‹йеңи шәпәқ› гезити», «<тинчлиқ булиқи> һәрбий һәрикитидиму террорчиларниң үстидә боран – чапқунниң дәһшәтлик садалири йаңримақта» сәрләвһилик хәвиридә, төвәндики учурларни оқурмәнлириниң диққитигә сунди:

түркийә қисимлириниң «фират қалқини» һәрбий һәрикити вә «зәйтун шехи» һәрбий һәрикитидә террорлуқ нишанлириға әҗәллик зәрбә бериштә муһим рол ойниған, түркийәниң йәрлик миллий мәһсулати болған « T-155 » типлиқ боран – чапқунлуқ шрапнел атидиған зәмбирәкләр «<тинчлиқ булиқи> һәрбий һәрикити» му наһайити муһим истиратегийәлик вәзипиләрдә ишлитилмәктә. «фират дәрйаси» ниң шәрқий қисмида бөлгүнчи террорлуқ тәшкилати  й п г/п к к нишанлирини битчит қилишта ишлитиливатқан боран – чапқунлуқ шрапнел атидиған зәмбирәкләр дәл нишанға тәккүзүштәк алаһидилики билән террорчиларниң вәһимисигә айланмақта.

«‹һөрийәт› гезити», «баку - җәйһан – тифлис туруба линийәсидин 3.3 милйард вариллиқ нефит ақти» сәрләвһилик хәвиридә, төвәндики мәлуматларни оқурмәнлириниң диққитигә сунди:

баку - җәйһан – тифлис хам нефит туруба линийәсиниң ахирқи бекити болған адананиң җәйһан наһийәсидики һәйдәр әлийев деңиз истансисидин 2006 – йилдин буйан 4 миң 300 дин артуқ нефит аптомобили арқилиқ 3 милйард 314 милйон 965 миң варил хам нефит йолланди.



مۇناسىۋەتلىك خەۋەرلەر