تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

10.10.2019

түркийә гезитлиридә асасий салмақни игилигән хәвәрлиримиз төвәндикичә:

10.10.2019

түркийә авази радийоси: «һөррийәт гезити», түркийә җумһур рәиси рәҗәп таййип әрдоғанниң түнүгүн (9-өктәбир) сүрийә һәрбий һәрикитиниң башланғанлиқини: «түркийә армийәси сүрийә миллий армийәси билән бирликтә сүрийәниң шималида п к к|й п г вә даеш террорлуқ тәшкилатлириға қарши <тинчлиқ булиқи һәрикити> ни башлиди. мәқситимиз җәнубий чеграмизда пәйда қилинмақчи болған террорлуқ каридорини йоқитиш вә районда тинчлиқ һәмдә хатирҗәмликни бәрпа қилиш» дегән сөзлири билән елан қилди.

«сабаһ гезити», түркийә ташқи ишлар министири мәвлүт чавушоғлуниң түнүгүн сүрийәниң шималида й п г|п к к нуқтилириға қарши башланған тинчлиқ булиқи һәрикити үстидә тохтилип: «һәрикитимиз хәлқара қанун, б д т шәртнамисиниң 51-маддиси вә б д т хәвпсизлик кеңишиниң террорлуққа қарши туруш қарарлириға асасән иҗра қилинмақта» дегәнликини хәвәр қилди.

«хәбәр түрк гезити», җумһур рәислик сарийи байанатчиси ибраһим калинниң түнүгүн америка дөләт хәвпсизлик мәслиһәтчиси роберт с, обрийен (Robert C. O'Brien) билән телефонда көрүшкәнликини хәвәр қилди.

җумһур рәислик сарийиниң бу һәқтики байанатқа асасланғанда, ибраһим калин билән обрийенниң телефон сөһбитидә, сүрийәниң шималида бихәтәр район тәсис қилиниши вә униңдин кейин бесилиши керәк болған қәдәмләр музакирә қилинған.

«вәтән гезити», дунйа банкасиниң түркийә иқтисадиниң 2019-йиллиқ иқтисадий ешиш тәхмин қилинған рәқәмни өрләткәнликини елан қилди.

хәвәрдә, дунйа банкасиниң 2020-йилида түркийә ички ишләпчиқириш омумий қиммитиниң ешиш нисбитини % 3 кә, 2021-йилида түркийә ички ишләпчиқириш омумий қиммитиниң ешиш нисбитини %4 кә өстүргәнлики билдүрүлди.


خەتكۈچ: стар , вәтән , сабаһ

مۇناسىۋەتلىك خەۋەرلەر