09.10.2019

bügünki türkiye gézitliride asasiy salmaqni igiligen xewerlirimiz töwendikiche:

09.10.2019

türkiye awazi radiyosi: «sabah géziti», türkiye jumhur reisi rejep tayyip erdoghanning «bir kéche tuyuqsiz bésip kirishimiz mumkin» dégen sözliri bilen, dunyaning diqqiti türkiye we süriyede élip bérilidighan herbiy heriketke merkezleshken bir waqitta, türkiye büyük millet mejlisi (parlaménti) ning omumiy kéngishide türkiye armiyesining p k k ni öz ichige alghan térrorluq teshkilatlirini we türkiyege qarshi tehditlerni yoqitish üchün, chégra halqighan herbiy heriket élip bérishigha imkaniyet yaritip béridighan qararnamening mudditining bir yil uzartilghanliqini xewer qildi.

«star géziti», sérbiye pirézidénti aléksandar wujij (Aleksandar Vucic) ning türkiye jumhur reisi rejep tayyip erdoghan hakimiyet béshigha chiqqan 2002-yilidiki 3500 dollar sewiyeside bolghan kishi béshigha chüshidighan milliy kirimning, bügünki künde 11 ming dollargha chiqqanliqigha ishare qilip: «manga bundaq muweppeqiyet qazanghan dunya yaki yawropa rehbirini körsitinglar» dégenlikini xewer qildi.

«weten géziti», amérika pirézidénti donald trampning 2019-yili 13-noyabir türkiye jumhur reisi rejep tayyip erdoghanning amérikani ziyaret qilidighanliqini élan qilghanliqini xewer qildi.

xewerde, pirézidént trampning twittérda bayanat élan qilip: «nurghun kishiler türkiyening amérikaning chong soda shériki ikenlikini untup qalidu. türkiyeF-35  ayropilanlirining polat gewdisini yasaydu» dégenliki qeyt qilindi.

«xeber türk géziti», 2019-yili 4-öktebir türkiye bilen rusiyening dollarning tesirini azaytish üchün, rubli bilen türk lirasining ishlitish miqdarini köpeytish üchün resmiy kélishim imzalighanliqini élan qildi.

«hörriyet géziti», dunyadiki sheherlerni jinayet ötküzülüsh nisbiti boyiche retke tizidighan nambéyo (Numbeo) shirkitining, bu yildiki (2019) eng bixeter 28 sheherni élan qilghanliqi we tizimlikte istanbulning yuqiri rettin orun alghanliqini xewer qildi.

«yéngi shepeq géziti», türkiye bilen solomon aralliri otturisida ikki terep awiyatsiye kélishimi imzalanghanliqini élan qildi.

xewerde, mezkur kélishim bilen, türkiyening uchush torining 172 döletke yetkenliki bildürüldi.


خەتكۈچ: weten , sabah , xeber türk

مۇناسىۋەتلىك خەۋەرلەر