19.09.2019

türkiye awazi radiyosi: hörriyet géziti, «sulayman soylu dölitige qaytqan süriyeliklerning sanini élan qildi» serlewhilik xewiride munularni yazdi:

ichki ishlar ministiri sulayman soylu élan qilghan bayanatida, «dölitimizde waqitliq panahlanghuchi salahiyitige ige bolghan süriyeliklerning sani 3 yérim milyondin ashti. firat qalqini we zeytin shéxi herbiy heriketliri arqiliq biz qurup chiqqan bixeter rayon sayisida, bügünge qeder 354 ming süriyelik öz ixtiyari bilen yürtlirigha qaytti» dédi.

sabah géziti, «seljuq bayraqtar élan qildi, 122 dölettin késhi qatnashti» serlewhilik xewiride munu uchurlargha orun ajratti:

bayqar téxnika mudiri we türkiye téxnika guruppisi fondi jemiyiti mutewwelli heyiti bashliqi seljuq bayraqtar istanbul awiatsiye, alem boshluqi téxnika féstiwali «TEKNOFEST» qa qatnishish nisbitining aldinqi yilgha sélishturghanda zor derijide ashqanliqini bildürüp, «aldinqi yili féstiwalgha 60 dölettin 550 ming ziyaretchi kelgen idi. bu yil 122 dölettin ziyaretchi qatnashti. türkiyening hemmila teripidin kelgen zyaretchilermu intayin köp idi. deslepki 2 künde ziyaretchi sani 250 mingdin ashti» dédi.

weten géziti, «türkiyede ishlepchiqirilghan aptomobillar yawropada» serlewhilik xewiride munularni oqurmenlirining diqqitige sundi: 

türkiye aptomobil shirketlirining ishlepchiqirish bazisi salahiyitige ige bir dölet bolup, dékabir éyidin iyun éyighiche 170 döletke texminen 13 milyard dollarliq aptomobil éksport qildi. türkiyening aptomobil éksport sodisida yawropa döletliri birinchi orunda turüp kelmekte.

xeber türk géziti, «iqtisadi hemkarliq we tereqqiyat teshkilati < OECD> ottura mezgillik dunya iqtisad körsetküchini élan qildi» serlewhilik xewirde munu uchurlargha orun ajratti:

iqtisadi hemkarliq we tereqqiyat teshkilati < OECD> soda urushi we siyasiy éniqsizliqlar sewebidin dunya iqtisadi we dunyaning aldinqi qatardiki döletlirige qaritilghan tereqqiyat texminini töwenletti. türkiyening 2019 - yilliq iqtisadi tereqqiyatigha bolghan texminini bolsa, yuqiri kötürdi.

sitar géziti, «türkiye yüksilishni dawamlashturmaqta» serlewhilik xewiride munu uchurlarni oqurmenlirining diqqitige sundi:

döletlik a milliy putbol komandisi dunya putbol fédératsiyesi «FIFA» ning tézimlikide 36 – ge retke örlidi. dunya putbol fédératsiyesi «FIFA» ning intérnét bétide élan qilinghan sintebir éyidiki xelqaraliq derije tizimlikide bélgiye 1 – bolushni dawmlashturdi. firansiye 2 – we béraziliye 3 – boldi.