16.09.2019

türkiye awazi radiyosi xewiri: «<weten> géziti», «chawushoghlu: türkiye qibris türkliri bilen yéqin hemkarliq ichide (dédi)» serlewhilik xewiride, (türkiye jumhuriyiti) tashqi ishlar ministiri mewlüt chawushoghluning, rim tashqi ishlar ministiri nikos xristodulidisning «türkiye bilen shimaliy qibris türk jumhuriyiti pirézidénti mustafa aqinchining arisida pikir oxshimasliqi» barliqi toghrisidiki sözlirige qattiq naraziliq bildürgenlikini yazdi.

gézitining xewiride körsitilishiche, chawushoghlu rim taratqulirigha bayanat bérip, «biz aqinchi, shimaliy qibris türk jumhuriyiti hökümiti we pütkül siyasiy partiyeler bilen yéqin hemkarliq ichidimiz. nikos chektin éship ketmisun» dégen we qibris mesilisini ikki döletlik hel qilish charisige tayinip hel qilishning mumkinlikige isharet qilip, «terepler hazir bolsa, buni qilishqa bolidu. biz héchbir modélni chetke qaqmaymiz» dégenlerni sözlirige ilawe qilghan.

«<yéngi shepeq> géziti», «chawushoghlu: nétanyahuning bayanati ademni nomus qilduridu (dédi)» serlewhilik xewiride, tashqi ishlar ministiri mewlüt chawushoghluning, israiliye bash ministiri bunyamin nétanyahuning gherbiy qirghaqtiki iyordan wadisi bilen qanunsiz mehellilerni (israiliyege) qoshuwélish niyitige nomus qilarliq bir ish dep baha bergenlikini yazdi.

xewerde körsitilishiche, chawushoghlu, «bu nomus qilarliq bayanat saylamlarda bir qanche awazni köp élish üchün bérilgen peskeshlerche orunushtin ibarettur» dégen.

«<xabertürk> géziti», «istanbul ayrodurumliri 70 milyon yoluchi (sani) gha qarap ilgirilimekte» serlewhilik xewiride, bu yilning yanwar – awghust aylirida istanbuldiki ayrudorumlarning 446 ming 906 qétimliq ichki – tashqi ayropilan seperliri arqiliq 68 milyon 448 ming 359 yoluchini yötkigenlikini yazdi.

gézitining xewiride körsitilishiche, atatürk ayrodurumida bu yilning yanwar – awghust aylirida dölet ichi léniyeliri 4 milyon 227 ming 132, chet el léniyeliri 11 milyon 845 ming 402 yoluchigha mulazimet qilghan.

xewerde, bu mezgilde 16 milyon 72 ming 534 kishining aprél éyida awiyatsiye soda qatnashliri toxtitiwétilgen mezkur ayrodurumdin paydilinip sayahet qilghanliqi qeyt qilindi.

«<hörriyet> géziti», «téxnologiye karxaniliri üchün 1 milyard 100 milyon liraliq 5 yéngi fondi (qurulidu)» serlewhilik xewiride, sanaet we téxnologiye ishliri ministiri mustafa warankning, «karxana seryamisige yardem bérish pilani dairiside bérilidighan mebleghdin paydilinish hoquqigha érishken 5 fondi üchün toxtam tüzüsh musapisi bashlidi. iqtisadiy sistémimizgha kiridighan 5 yéngi fondining dölitimzde meblegh sélish üchün toplaydighan sermaye miqdari birinchi qedemde 628 milyon lira bolup, axirqi qedemde 1 milyard 100 milyon liragha yétidu. bu sermayining aldimizdiki 5 yilda dölitimizde 148 ilghar téxnologiye ul – eslihesige ige karxanigha meblegh qilip sélinishini nishan qilmaqtimiz» dégenlikini oqurmenliri bilen ortaqlashti.