11.09.2019

bügünki türkiye gézitliride asasiy salmaqni igiligen xewerlirimiz töwendikiche:

11.09.2019

türkiye awazi radiyosi: «xeber türk géziti», türkiye jumhur reisi rejep tayyip erdoghanning türkiye bilen amérika otturisida 20 milyard dollar sewiyeside boluwatqan soda omumiy hejimining, heqiqiy bolushqa tégishlik sewiyedin bekmu töwen ikenlikini bildürüp, amérika pirézidénti tramp bilen ötküzülgen söhbetlerde bu reqemni 100 milyard dollargha chiqirilishi mesiliside pikir birliki hasil qilghanliqlirini éytqanlqini xewer qildi.

«weten géziti», jumhur reisi rejep tayyip erdoghanning amérikaning bölgünchi térrorluq teshkilati p k k|y p g gha qiliwatqan yardemlirige yene bir qétim naraziliqini bildürgenlikini xewer qildi.

xewerde, rejep tayyip erdoghanning térrorluq teshkilati daéshning meghlub qilinghanliqini eskertip: «süriyelik musapirlarning öy-makanlirigha qaytishigha eng chong tosalghu boluwatqini p k k|y p g gha oxshaydighan térrorluq teshkilatliridur. dölitimizning süriyedin kélidighan yéngi köch dolqunini kütüwélishi emdi mumkin emes» dégenliki bildürüldi.

«star géziti», qaratagh tashqi ishlar ministiri srdzhan darmanowij (Srdjan Darmanovic) ning qarataghqa sélinghan mebleghlerning miqdarida, türkiyelik soda-sanaetchilerning altinchi orunda turidighanliqini éytqanliqini xewer qildi.

xewerde bildürülishiche, tashqi ishlar ministiri srdzhan darmanowij qarataghda chet ellik meblegh salghuchilar arisida türkiyelik soda-sanaetchilerning qizghin qarshi élinidighanliqini bildürüp, téximu köp soda-sanaetchilerning qarataghqa meblegh sélishini kütidighanliqlirini tekitligen.

«yéngi shepeq géziti», türkiyening öz küchige tayinip yasap chiqqan uchquchisiz hawa apparatining «akinji» dep nam bérilgen motori tunji qétim qozghitilghan.

gézitning xewiride qeyt qilinishiche, barliq sinaqlardin muweppeqiyetlik ötken akinji, urush ayropilanlirining yükini azaytidiken. akinji her xil bashqurulidighan bomba we «F-16» ayropilanliri toshuydighan 1 tonna éghirliqtiki bombilarni toshiyalaydiken. akinjining qanatlirining uzunluqi 20 métiri kélidighan bolup, bu hepte uchurulidiken.

«hörriyet géziti», türk hawa yolliri shirkitining jenubiy yawropagha sayahetke baridighan yoluchilargha alahide étibarliq bélet sétish paaliyitini bashlighanliqini élan qildi.

xewerde, istanbul yaki enqeredin italiye, ispaniye, malta, portugaliye we girétsiye qatarliq döletlerdiki 25 nuqtigha étibar bahada bélet sétilidighanliqi, 10- 20-séntebir künliri arisida bélet sétiwalghanlarning 2019-yili 1-noyabirdin 2020-yili 31-martqiche bélet waqtini uzartalaydighanliqi we bélet bahasining hemme öz ichide 119 dollardin bashlinidighanliqi bildürüldi.


خەتكۈچ: weten , hörriyet , star

مۇناسىۋەتلىك خەۋەرلەر