11.09.2019

бүгүнки түркийә гезитлиридә асасий салмақни игилигән хәвәрлиримиз төвәндикичә:

11.09.2019

түркийә авази радийоси: «хәбәр түрк гезити», түркийә җумһур рәиси рәҗәп таййип әрдоғанниң түркийә билән америка оттурисида 20 милйард доллар сәвийәсидә болуватқан сода омумий һәҗиминиң, һәқиқий болушқа тегишлик сәвийәдин бәкму төвән икәнликини билдүрүп, америка пирезиденти трамп билән өткүзүлгән сөһбәтләрдә бу рәқәмни 100 милйард долларға чиқирилиши мәсилисидә пикир бирлики һасил қилғанлиқлирини ейтқанлқини хәвәр қилди.

«вәтән гезити», җумһур рәиси рәҗәп таййип әрдоғанниң американиң бөлгүнчи террорлуқ тәшкилати п к к|й п г ға қиливатқан йардәмлиригә йәнә бир қетим наразилиқини билдүргәнликини хәвәр қилди.

хәвәрдә, рәҗәп таййип әрдоғанниң террорлуқ тәшкилати даешниң мәғлуб қилинғанлиқини әскәртип: «сүрийәлик мусапирларниң өй-маканлириға қайтишиға әң чоң тосалғу болуватқини п к к|й п г ға охшайдиған террорлуқ тәшкилатлиридур. дөлитимизниң сүрийәдин келидиған йеңи көч долқунини күтүвелиши әмди мумкин әмәс» дегәнлики билдүрүлди.

«стар гезити», қаратағ ташқи ишлар министири срджан дармановиҗ (Srdjan Darmanovic) ниң қаратағқа селинған мәбләғләрниң миқдарида, түркийәлик сода-санаәтчиләрниң алтинчи орунда туридиғанлиқини ейтқанлиқини хәвәр қилди.

хәвәрдә билдүрүлишичә, ташқи ишлар министири срджан дармановиҗ қаратағда чәт әллик мәбләғ салғучилар арисида түркийәлик сода-санаәтчиләрниң қизғин қарши елинидиғанлиқини билдүрүп, техиму көп сода-санаәтчиләрниң қаратағқа мәбләғ селишини күтидиғанлиқлирини тәкитлигән.

«йеңи шәпәқ гезити», түркийәниң өз күчигә тайинип йасап чиққан учқучисиз һава аппаратиниң «акинҗи» дәп нам берилгән мотори тунҗи қетим қозғитилған.

гезитниң хәвиридә қәйт қилинишичә, барлиқ синақлардин мувәппәқийәтлик өткән акинҗи, уруш айропиланлириниң йүкини азайтидикән. акинҗи һәр хил башқурулидиған бомба вә «F-16» айропиланлири тошуйдиған 1 тонна еғирлиқтики бомбиларни тошийалайдикән. акинҗиниң қанатлириниң узунлуқи 20 метири келидиған болуп, бу һәптә учурулидикән.

«һөррийәт гезити», түрк һава йоллири ширкитиниң җәнубий йавропаға сайаһәткә баридиған йолучиларға алаһидә етибарлиқ беләт сетиш паалийитини башлиғанлиқини елан қилди.

хәвәрдә, истанбул йаки әнқәрәдин италийә, испанийә, малта, португалийә вә гиретсийә қатарлиқ дөләтләрдики 25 нуқтиға етибар баһада беләт сетилидиғанлиқи, 10- 20-сентәбир күнлири арисида беләт сетивалғанларниң 2019-йили 1-нойабирдин 2020-йили 31-мартқичә беләт вақтини узарталайдиғанлиқи вә беләт баһасиниң һәммә өз ичидә 119 доллардин башлинидиғанлиқи билдүрүлди.



مۇناسىۋەتلىك خەۋەرلەر