09.09.2019

türkiye awazi radiyosi: «hörriyet géziti», türkiye tashqi ishlar ministiri mewlüt chawushoghluning tünügün (8-séntebir) iran tashqi ishlar ministiri jewad zarif bilen téléfonda körüshüp, astana yighini we süriye asasiy qanun komitéti mesililirini muzakire qilghanliqini xewer qildi.

«xeber türk géziti», türkiye aptomobil sanaet sahesining 2019-yili awghust éyida ötken yili (2018) ning oxshash mezgilidikige sélishturulghanda %8 éship 1.7 milyard dollarliq mal éksport qilghanliqini élan qildi.

xewerde, aptomobil sanaitining tarixida ikkinchi qétim awghust ayliq éksport reqimige yetkenliki qeyt qilindi.

«yéngi shepeq géziti», türkiye hawa yolliri shirkitining bu yil (2018) ning béshida biwaste ayropilan sepiri bashlighan méksika we démokratik kongo jumhuriyitidin kelgen sayahetchiler sanida, shundaqla bu döletlerge qilinghan éksportta éshish körülgenlikini xewer qildi.

xewerde eskertilishiche, méksikagha qilinghan éksport %5 ashqan bolsa, démokratik kongo jumhuriyitige qilinghan éksport %52 ashqan.

«star géziti», türkiyening awiyatsiye we alem tetqiqatlirida muhim hessilerni qoshidighan téknofest (TEKNOFEST) yermenkisining 2019-yili 17-séntebirdin 22-séntebirgiche échilidighanliqini élan qildi.

«sabah géziti», yaponiyede ötküzülgen «türk féstiwali» gha, türkiyege we türk medeniyetige qiziqidighan yaponiyeliklerning sel bolup aqqanliqini؛ féstiwalda körsitilgen mehter nomurining yaponiyeliklerning zor qiziqishini qozghighanliqini xewer qildi.