15.08.2019
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: «‹sabah› géziti», «erdoghan hindonéziye pirézidénti bilen téléfonda körüshti» serlewhilik xewiride, töwendiki melumatlarni oqurmenlirining diqqitige sundi:
jumhur reis rejep tayyip erdoghan tünügün hindonéziye pirézidénti joko widodo bilen téléfonda körüshti. téléfon söhbitide, ikki rehber bir – birining qurban héytini tebrikleshti.
«‹star› géziti», «dölet mudapie ministirliqi süriyening shimaliy qismida uchquchisiz hawa apparatlirining wezipe öteshke bashlighanliqini bildürdi» serlewhilik xewiride, töwendiki melumatlargha orun ajratti:
türkiye dölet mudapie ministirliqi, süriyening shimali qismida biterep rayon berpa qilish nishani dairiside uchquchisiz hawa apparatlirining wezipe öteshke bashlighanliqini bildürdi.
«‹höriyet› géziti», «<türk éqimi> qurulushining % 95 ti tamamlandi» serlewhilik xewiride, töwendiki bayanlargha orun ajratti:
rusiyening tebiiy gazini türkiyege, bu yerdin yawropagha yetküzidighan «türk éqimi» tebiiy gaz turuba liniyesining trakya sahilidiki qiyiköyge jaylashqan alim istansisi qurulushining % 95 ti tamamlandi.
«türk éqimi» layihe shirkiti teripidin bu heqte élan qilinghan bayanatta, qurulush xizmitining pilan boyiche dawamlishiwatqanliqi, tebiiy gaz éqishining 2019 – yilning axirliri bashlinishining mölcherliniwatqanliqi eskertildi.
«‹yéngi shepeq› géziti», «kök renglik sahil 4 kün ichide 25 ming ziyaretchini kütüwaldi» serlewhilik xewiride, töwendiki bayanlargha orun ajratti:
antalyaning qash nahiyesi qurban héyt boyiche tetilge kelgen sayahetchiler bilen tolup tashti. qash nahiyesi bilen qalqan sayahet rayoni otturisigha jaylashqan kaputash sahili bolsa héyt mezgilide 25 ming sayahetchige sahibxaniliq qildi.