09.08.2019

bügünki türkiye gézitliride asasiy salmaqni igiligen xewerlirimiz töwendikiche:

09.08.2019

türkiye awazi radiyosi: «weten géziti», türkiye tashqi ishlar ministiri mewlüt chawushoghluning amérika bilen süriyening shimalida bixeter rayon tesis qilishqa munasiwetlik hasil qilghan pikir birlikining yaxshi bashlanghuch bolghanliqini eskertip: «bu ning munbich heriket pilanigha aylinishigha, gollash musapisigha aylinishigha ruxset qilmaymiz» dégenlikini xewer qildi.

«yéngi shepeq géziti», tünügün (8-awghust) türkiye dölet mudapie ministiri hulusi akarning armiye ishtabi bashliqi yashar güler we armiyening bashqa qomandanliri bilen birlikte shimaliy qibris türk jumhuriyitini ziyaret qilghanliqini xewer qildi.

xewerde, hulusi akarning: «türkiye hem özining hemde shimaliy qibris türk jumhuriyitining heq-hoquqini her daim qoghdap keldi we dawamliq qoghdaydu» dégenliki qeyt qilindi.

«hörriyet géziti», iyul éyida türkiyening muhim sayahet merkezliridin biri bolghan kapadokya rayonini 393 ming 728 yerlik we chet ellik sayahetchining ziyaret qilghanliqini xewer qildi.

bildürülishiche, kapadokyadiki göreme üsti ochuq muzéyi eng köp sayahetchi kütüwalghan.

«sabah géziti», istanbul ayrodurumida ikki mashina ademning yoluchilargha xizmet qilishni bashlighanliqini xewer qildi.

xewerde, mashina ademlerni sinaq qilish basquchi axirlashqandin kéyin, bu san tötke chiqirilidiken. mashina ademler türkiyede yasalghan bolup, yoluchilarning türkche we inglizche soallirigha jawab bérishtin bashqa, ékrangha körsetken uchurlargha inkas qayturalaydiken.


خەتكۈچ: yéngi shepeq , sabah

مۇناسىۋەتلىك خەۋەرلەر