23.07.2019

türkiye awazi radiyosi:  «weten géziti», amérikaning süriye alahide wekili jéymés jéfréy (James Jeffrey) hemrahliqidiki heyetning, paytext enqerede türkiye muawin tashqi ishlar ministiri sedat önal bashchiliqidiki heyet bilen körüshkenlikini xewer qildi.

xewerde, türkiye tashqi ishlar ministirliqining bu körüshüsh toghrisida bayanat élan qilip, «yighinda siyasiy musape, idlibtiki bixeter rayon we asasiy qanun komitéti qurush qatarliq mesililerning muzakire qilinghanliqi» ni bildürgenliki qeyt qilindi.

«sabah géziti», türkiye tashqi ishlar ministiri mewlüt chawushoghluning, türkiye «S-400» hawa mudapie sistémisi sétiwalghanliqi sewebidin amérika élan qilghan «F-35» toghrisidiki bayanattin kéyin, qandaq siyaset yürgüzülidighanliqi toghrisida bayanat élan qilghanliqini xewer qildi.

xewerde, tashqi ishlar ministiri mewlüt chawushoghluning: «S-400 ler üchün izdinip, eng axiri rusiye bilen kélishim tüzduq. türkiye özi yasighiche, éhtiyajlirini bashqa menbelerdin qanduridu. bu eqelliy heqqidur» dégenliki bildürüldi.

«yéngi shepeq géziti», rusiye dölet mudapie sanaiti shirkiti rosté (Rosteh) ning bashliqi sérgéy chémézowning, « S-400 hawa mudapie qalqan sistémilirining belgilik zapchaslirini ijazetname bérilgen shekilde türkiyede yasashqa munasiwetlik uchrishishlar dawamlishiwatidu. reqiplirimizning munasiwetlirimizge qilghan tosqunluqliridin muweppeqiyetlik halda ötüp kétimiz.  türkiye bilen awiyatsiye, tik uchar yasash we énérgiye saheliride özara hemkarliqlarni kéngeytishke teyyarmiz» dégenlikini xewer qildi.

«star géziti», türkiye dosti bolghan shiwétsiyening sabiq bash ministiri karl bildt (Carl Bildt) ning fayninshél (Financial Times) gézitide türkiye heqqide maqale élan qilghanliqini xewer qildi.

karl bildt maqaliside, yawropa ittipaqining türkiye bilen munasiwetlirini buzushni öz ichige alghan bir qatar heriketliri bilen nishanidin ézip ketkenlikini eskertti.

u maqaliside yene, yawropaning özini qaytidin tertipke sélishi kéreklikini bildürüp: «musapirlar kirizisida türkiye bilen bolghan munasiwetler tetür boldi. yawropa ittipaqi chong küchler riqabetlishiwatqan bu yéngi dewrde muhimliqini ashurushqa bolushqa mejbur.  bolmisa sirtta qalidu we téximu yaman bolidu» dédi.

«hörriyet géziti», türkiyening liwiye paytexti tiripolidiki elchixanisi elchixanining yötkelgenliki heqqidiki xewerlerni ret qilghanliqini xewer qildi.

elchixanining feysbuk bétide bu heqte élan qilinghan bayanatta, ijtimaiy taratqulardiki bezi erebche xewerlerde, elchixanining yötkelgenliki toghrisida asassiz we qestenlik bilen uchurlarning tarqitilghanliqi we elchixanining tiripolidiki paaliyetlirini dawamlashturuwatqanliqi qeyt qilindi.