16.07.2019
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: «‹weten› géziti», « türkiye xelqi 15 – iyul herbiy isyan urunushining 3 – yilliqi munasiwiti bilen türlük paaliyetlerni ötküzdi» serlewhilik xewiride, töwendiki melumatlarni oqurmenlirining diqqitige sundi:
fethullahchi térrorluq teshkilatining 2016 – yili 15 – iyul herbiy isyan urunushining aldi élinghan «15 – iyul démokratiye we milliy birlik küni» de, shéhitlerni yad étish üchün türkiyening herqaysi jaylirida türlük paaliyetler ötküzüldi. milyonlarche keng xelq ammisi paaliyetlerde, türkiye bayriqini lepildetken halda, «herbiy isyangha qarshi turayli», «démokratiyeni qollayli», «shéhitler menggü ölmeydu», «wetenni parchilashqa héchkimning küchi yetmeydu» dégendek shoarlarni towlashti.
«15 – iyul démokratiye we milliy birlik küni» de shéhitler dualar arqiliq yad étildi.
«‹xewer türk› géziti», «erdoghan shéhitlirini untup qalghuchilar wijdanlirini yoqitip qoyidu» serlewhilik xewiride, töwendiki uchurlarni oqurmenlirining diqqitige sundi:
jumhur reis rejep tayyip erdoghan 2016 – yili 15 – iyul herbiy isyan urunushi esnasida istanbuldiki tirkishishning simwolluq adrésliridin biri bolghan atatürk ayrodurumida xelqqe xitab qildi. erdoghan xitabida, herbiy isyan urunushi kéchisi musteqilliqi we döletning istiqbalini qoghdash üchün ayropilanlargha, tankilargha, yamghurdek yéghiwatqan oqlargha özini atqan herbir kishige alahide rehmet éytidighanliqini, herbiridin intayin minnetdar ikenlikini qeyt qildi.
herbiy isyan urunushi kéchisi shéhit bolup ketken 251 shéhitni hergiz untup qalmaydighanliqlirini eskertken jumhur reis erdoghan, «shéhitlirini untup qalghuchilar wijdanlirini yoqitip qoyidu» dédi.
«‹star› géziti», «‹ Washington Post géziti> de 15 – iyul élani» serlewhilik xewiride, töwendiki bayanlargha orun ajratti:
amérika qoshma ishtatlirining aldinqi qatarda turidighan gézitliridin «‹ Washington Post › géziti» de, türkiye – amérika milliy rehberlik komitétining imzasi bilen, «fethullahchi térrorluq teshkilatining jinayetliri üchün adalet telep qilimiz» témiliq élan tarqitildi. élanda, jesur türkiye xelqining herbiy isyan urunushigha qarshi chiqish üchün kochilargha chiqip tirkishishi netijiside 250 tin artuq kishining shéhit, 2 mingdin artuq kishining ghazi bolghanliqini eskertilish bilen bir waqitta, fethullahchi térrorluq teshkilatining kattibéshi fethullah gülenning türkiyege qayturup bérilishi lazimliqi tekitlendi.
«‹sabah› géziti», «londondiki türk soda merkezliri jezbidarliq makangha aylandi» serlewhilik xewiride, töwendiki melumatlargha orun ajratti:
dunyaning herqaysi jaylirida paaliyet élip bériwatqan türk soda merkezlirining 13 – si süpitide 2018 – yili 12 – séntebir küni londonda paaliyet élip bérishqa bashlighan london sapal qacha türk soda merkizi yolini nahayiti zor muweppeqiyetlerni keltürgen halda dawamlashturmaqta.
«‹yéngi shepeq› géziti», «jumhur reis rejep tayyip erdoghan <400 – s> bashqurulidighan bomba mudapie sistémisi üchün nishanlirining ortaq ishlepchiqirish ikenlikini éytti» serlewhilik xewiride, töwendiki melumatlarni oqurmenliri bilen ortaqlashti:
jumhur reis rejep tayyip erdoghan rusiyedin «s - 400 » bashqurulidighan bomba sistémisi qachilanghan 8 – ayropilanningmu tünügün türkiyege kelgenlikini tekitlep mundaq dédi: «hawa mudapiesi sistémilirimizni dunya boyiche sanaqliq döletlerdin birige aylandurimiz. emdi nishanimiz <400 – s> bashqurulidighan bomba mudapie sistémisini rusiye bilen birlikte ishlepchiqirishtur. bu nishanimizgha choqum yétimiz, bu heqte yenimu ilgiriligen halda qedem tashlaymiz.»
