11.07.2019

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

11.07.2019

türkiye awazi radiyosi: «‹yéngi shepeq› géziti», türkiye tashqi ishlar ministirliqi amérika qoshma ishtatliridin <400 – s> bashqurulidighan bomba mudapie sistémisi heqqidiki bayanatigha jawab» serlewhilik xewiride, töwendiki melumatlarni oqurmenlirining diqqitige sundi:

türkiye tashqi ishlar ministirliqi bayanatchisi hami aqsoy, amérika qoshma ishtatliri tashqi ishlar ministirliqi bayanatchisi morgan ortagusning, türkiyening rusiyedin sétiwalidighan <s - 400> bashqurulidighan bomba sistémisi heqqidiki bayanati heqqide toxtalghanda, mundaq dédi: «amérika terepni diplomatiye we diyalogni chetke qéqip, munasiwetlerge ziyan yetküzidighan xata qedemlerni tashlashtin yiraq turushqa chaqirimiz.»

«‹star› géziti», «tashqi ishlar ministiri mewlüt chawushoghlu sherqiy aqdéngiz mesilisi heqqide bayanat élan  qildi» serlewhilik xewiride, töwendiki bayanlargha orun ajratti:

türkiye tashqi ishlar ministiri mewlüt chawushoghlu sherqiy aqdéngiz sürkilishi toghruluq élan qilghan bayanatida, mundaq dédi: «sherqiy aqdéngizda paaliyet élip bérish türkiyening igilik hoquqidur, shunga bu heqte héchkimning türkiyege bir néme déyish hoquqi yoqtur. türkiyening matérik supisida néme qilishi toghruluq peqet türkiyela qarar chiqiralaydu. derweqe, biz xelqara qanungha uyghun halda qedem tashlawatimiz, shunga  néfit qidirip tekshürüsh paaliyetlirimizni izchil dawamlashturimiz.»

«‹xewer türk› géziti», «istanbul ayrodurumida 3 – uchush-chüshüsh yoli teyyarliq xizmetliri dawamlashmaqta» serlewhilik xewiride, töwendiki uchurlarni oqurmenlirining diqqitige sundi:

2020 – yilning ikkinchi yérimda xizmetke kirishtürülüshi pilanliniwatqan 3 – musteqil uchush-chüshüsh yoli bilen istanbul ayrodurumi, bu sayida uchush-chüshüsh yoli we musteqil heriket élip baralaydighan türkiyede tunji, yawropada bolsa astérdamdin qalsa ikkinchi ayrodurum bolup qalidiken.

yéngi uchush-chüshüsh yoli sayisida, saitige qozghilip qonalaydighan  ayropilanlarning sani 80 din 120 ge yétidiken.

«‹sabah› géziti», « Flying Fox türkiyege keldi» serlewhilik xewiride, töwendiki melumatlargha orun ajratti:

dunya boyiche eng uzun sayahet qolwaqliri qataridin orun alidighan « Flying Fox » mughlaning marmaris nahiyesige keldi.

igilinishiche, datchadin türkiyege kirgen « Flying Fox » sayahet qolwiqi, rusiyediki eng katta bay karxanichilardin dimitri kamérshchik bilen rusiye, engliye, firansiye we ukrainadin bashqa méhmanlarni seyle qildurmaqta iken.

«‹höriyet› géziti», «anadolu efes kulubi yawropa birleshme musabiqisi mukapatigha érishti» serlewhilik xewiride, töwendiki melumatlarni oqurmenlirining diqqitige sundi:

anadolu efes waskétbol komandisi kulubi yawropadiki eng ilgha markéting komandiliri bahalap chiqilghan « yawropa birleshme Devotion  musabiqisi markéting mukapatliri» dairiside kümüsh médalgha érishti.      



مۇناسىۋەتلىك خەۋەرلەر