11.07.2019

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

11.07.2019

түркийә авази радийоси: «‹йеңи шәпәқ› гезити», түркийә ташқи ишлар министирлиқи америка қошма иштатлиридин <400 – с> башқурулидиған бомба мудапиә системиси һәққидики байанатиға җаваб» сәрләвһилик хәвиридә, төвәндики мәлуматларни оқурмәнлириниң диққитигә сунди:

түркийә ташқи ишлар министирлиқи байанатчиси һами ақсой, америка қошма иштатлири ташқи ишлар министирлиқи байанатчиси морган ортагусниң, түркийәниң русийәдин сетивалидиған <с - 400> башқурулидиған бомба системиси һәққидики байанати һәққидә тохталғанда, мундақ деди: «америка тәрәпни дипломатийә вә дийалогни чәткә қеқип, мунасивәтләргә зийан йәткүзидиған хата қәдәмләрни ташлаштин йирақ турушқа чақиримиз.»

«‹стар› гезити», «ташқи ишлар министири мәвлүт чавушоғлу шәрқий ақдеңиз мәсилиси һәққидә байанат елан  қилди» сәрләвһилик хәвиридә, төвәндики байанларға орун аҗратти:

түркийә ташқи ишлар министири мәвлүт чавушоғлу шәрқий ақдеңиз сүркилиши тоғрулуқ елан қилған байанатида, мундақ деди: «шәрқий ақдеңизда паалийәт елип бериш түркийәниң игилик һоқуқидур, шуңа бу һәқтә һечкимниң түркийәгә бир немә дейиш һоқуқи йоқтур. түркийәниң материк суписида немә қилиши тоғрулуқ пәқәт түркийәла қарар чиқиралайду. дәрвәқә, биз хәлқара қанунға уйғун һалда қәдәм ташлаватимиз, шуңа  нефит қидирип тәкшүрүш паалийәтлиримизни изчил давамлаштуримиз.»

«‹хәвәр түрк› гезити», «истанбул айродурумида 3 – учуш-чүшүш йоли тәййарлиқ хизмәтлири давамлашмақта» сәрләвһилик хәвиридә, төвәндики учурларни оқурмәнлириниң диққитигә сунди:

2020 – йилниң иккинчи йеримда хизмәткә кириштүрүлүши пиланлиниватқан 3 – мустәқил учуш-чүшүш йоли билән истанбул айродуруми, бу сайида учуш-чүшүш йоли вә мустәқил һәрикәт елип баралайдиған түркийәдә тунҗи, йавропада болса астердамдин қалса иккинчи айродурум болуп қалидикән.

йеңи учуш-чүшүш йоли сайисида, саитигә қозғилип қоналайдиған  айропиланларниң сани 80 дин 120 гә йетидикән.

«‹сабаһ› гезити», « Flying Fox түркийәгә кәлди» сәрләвһилик хәвиридә, төвәндики мәлуматларға орун аҗратти:

дунйа бойичә әң узун сайаһәт қолвақлири қатаридин орун алидиған « Flying Fox » муғланиң мармарис наһийәсигә кәлди.

игилинишичә, датчадин түркийәгә киргән « Flying Fox » сайаһәт қолвиқи, русийәдики әң катта бай карханичилардин димитри камершчик билән русийә, әнглийә, фирансийә вә украинадин башқа меһманларни сәйлә қилдурмақта икән.

«‹һөрийәт› гезити», «анадолу әфәс кулуби йавропа бирләшмә мусабиқиси мукапатиға еришти» сәрләвһилик хәвиридә, төвәндики мәлуматларни оқурмәнлириниң диққитигә сунди:

анадолу әфәс васкетбол командиси кулуби йавропадики әң илға маркетиң командилири баһалап чиқилған « йавропа бирләшмә Devotion  мусабиқиси маркетиң мукапатлири» даирисидә күмүш медалға еришти.      



مۇناسىۋەتلىك خەۋەرلەر