10.07.2019

türkiye awazi radiyosi: «hörriyet géziti», türkiye jumhur reisi rejep tayyip erdoghanning bosniye-gértségowinada: «yawropa ittipaqi döletliri sanini onlarche déyishke bolidighan musapirlar kotasida kélishelmigen bir waqitta, türkiye 4 milyondin artuq musapirgha sahibxanliq qiliwatidu. türkiye pütkül yawropa qitesining bixeterlikige dégüdek tengdashsiz hessilerni qoshuwatidu. biraq, bu qiyinchiliqqa tolghan musapide yawropaliq dostlirimizdin kütken qollashni we insaniy pozitsiyeni körelmiduq. süriyelik musapirlargha serp qilish üchün dölitimizge bérilgen wediler ada qilinmidi» dégenlikini xewer qildi.

«sabah géziti», asiya bilen yawropa arisida qaytidin güllendürülmekchi bolghan zamaniwi yipek yolining burulush nuqtisigha jaylashqan türkiyening, xitaydin engliyege tutishidighan tömür yoli layihesi ramkisida, 21 tiransiport merkizi quridighanliqini xewer qildi.

xewerde, bulardin toqquzining qurulushi axirlashqan merkezlerning, künlüki 2 milyard dollarliq mal éqishining bazisi bolidighanliqi bildürüldi.

«weten géziti», türkiyening 11-besh yilliq tereqqiyat pilanigha asasen, türkiyede sistémiliq qurulmisi küchlük bolghan pul-muamile organlirining shekillinishi üchün köp xillashturush élip bérilidighanliqini xewer qildi.

«star géziti», türkiyelik alim dotsént doktor sadi wural tetqiq qilip yasap chiqqan we dunyadiki 30 dölette ishlitiliwatqan yüz tonush sistémisining, ötken yili (2018) argéntinada ötküzülgen G20 dölet guruhi yighinida birinchi qétim dölet bashliqlirining aptomobili yaki emeslikini békitish meqsitide ishlitilgenlikini xewer qildi.

igilinishiche, mezkur sistéma b d t ning chégra bixeterliki xizmetliridimu ishlitilgen.

«yéngi shepeq géziti», istanbulning «1-nöwetlik xelqara senet medeniyetlirining nuri» namliq féstiwalgha sahibxanliq qilidighanliqini xewer qildi.

xewerde, bu yil (2019) birinchi nöwetliki ötküzülidighan féstiwalgha, ottura sherqni asas qilghan halda 25 döletttin 250 senetchining ishtirak qiildighanliqi bildürüldi.

bildürülishiche, féstiwaldin qolgha kelgen kirimning hemmisi süriyelik musapirlar üchün ishlitilidiken.