02.07.2019

türkiye awazi radiyosi: «‹yéngi shepeq› géziti», «6 puqramiz qutquzuwélindi» serlewhilik xewiride, töwendiki melumatlarni oqurmenlirining diqqitige sundi:

liwiyede hefter küchliri teripidin tutup kétilgen 6 türkiye puqrasi qutquzuwélindi.

melumatlargha qarighanda, 6 neper türk kémichi kémining xojayini teripidin hefter küchlirining qolidin élinip, tekrar kémige élip bérilghan. türkiye tashqi ishlar ministirliqi türkiye puqralirining tutulup kétiilishige qattiq naraziliq bildürgenidi.

«‹star› géziti», «trans anadolu tebiiy gaz turuba liniyesi yawropagha  tebiiy gaz yetküzüshke teyyar» serlewhilik xewiride, töwendiki uchurlarni oqurmenlirining diqqitige sundi:

jenubiy tebiiy gaz karidorining eng uzun halqisi hésablinidighan trans anadolu tebiiy gaz turuba liniyesining 1 – iyul étibari bilen ezerbeyjanning tebiiy gazini yawropagha yetküzüsh xizmiti tamamlandi.

türkiye – girétsiye chégrasida trans adriyatik tebiiy gaz turuba liniyesining tamamlinishidin kéyin, ezerbeyjanning tebiiy gazi kéler yildin bashlap yawropa bazarlirigha yetküzülidu.

«‹star› géziti», «30 döletning quyashi antalyada tughdi» serlewhilik xewiride, töwendiki melumatlargha orun ajratti:

türkiyening quyash énérgiyesi bataréye taxtisi ishlepchiqirishta bazar xojayini hésablinidighan « CW» énérgiye guruhi, 30 döletke énérgiye éksport  qilmaqta. « CW» énérgiye guruhining bash diréktori wolqan yilmaz, bu heqte élan qilghan bayanatida, «türkiye we yawropadiki bashlamchiliq rolimizni pütkül dunyada jari qildurimiz» dédi.

«‹höriyet› géziti», «edirnede méhmanxanilarda yer qalmidi» serlewhilik xewiride, töwendiki bayanlargha orun ajratti:

uda 658 yildin buyan tarixiy qiriqpinar yaghliq chélishish musabiiqiliri ötküzülüp kéliniwatqan edirnede méhmanxanilar tolup tashti. birqanche ay ilgiri yer ajritilghanliqi üchün, méhmanxanilarda yer qalmighan sheherning nopusichilik kélidighan ziyaretchiler sheherge seldek aqti. edirnelikler ziyaretchilerni öyliride kütüwélishqa teyyarlanmaqta.

«‹xewer türk› géziti», «saqlikentke ziyaretchiler seldek aqmaqta» serlewhilik xewiride, töwendiki melumatlarni oqurmenlirining diqqitige sundi:

antalya bilen mughlani bir – biridin ayriydighan, dunya boyiche eng chong oymanliq hésablinidighan saqlikentke ziyaretchiler seldek aqmaqta.

uzunluqi 18 kilométir kélidighan oymanliq, égizliki 200 métir kélidighan tik qiyaliqlar arisida, éqin suliri we  musheqqetlik yügurüsh yoli bilen seyle mestanilirining eng jezbidarliq makanliri süpitide aldinqi pilangha chiqmaqta.

igilinishiche, oymanliqni ziyaret qilghuchi yerlik we chet ellik sayahetchiler, bu yerde türlük köngül échish  paaliyetlirini élip baralaydiken.