18.06.2019
bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:
sabah géziti «türkiye we girétsiye mudapie ministirlirining körüshidighan waqti éniq boldi»serlewhilik xewiride munu uchurlargha orun ajratti: «türkiye we girétsiye mudapie ministirliri ege déngizida hemkarliq ornitish meqsitide ötküzüwatqan söhbetning ikkinchi qétimliqini enqerede élip baridu. dölet mudapie ministirliqi teripidin bu heqte élan qilinghan bayanatta mundaq déyildi: <türkiye we girétsiye mudapie ministirliri teripidin ege déngizida hemkarliq ornitish meqsitide ötküzüliwatqan söhbetning ikkinchi qétimliqi 2019-yili 18-iyundin 21-iyunghiche bolghan ariliqta enqerede élip bérilidu>.»
hürriyet géziti «milliy küreshchi ayropilani tunji bolup parizhda körgezme qilindi»serlewhilik xewiride munu uchurlarni oqurmenliri bilen ortaqlashti: «türkiye awiatsiye we alem sanaiti idarisi milliy küreshchi ayropilanni tunji qétim parizhda ötküzülgen xelqara awiatsiye yermenkiside tonushturdi. bu yil 53-yilliqi ötküzülgen awiatsiye we alem sanaiti yermenkiside söz qilghan türkiye awiatsiye we alem sanaiti idarisi bashliqi temel kotil: milliy küreshchi ayropilanimizni tunji qétim parizhda tonushturduq, bu ayropilanimiz yawropadimu eng ilghar ayropilanlardin biri bolidu, dédi.»
sitar géziti «amérikada ötküzülgen süniy hemrah musabiqiside türkiye mahirliri birinchi we ikkinchilikke érishti»serlewhilik xewiride munu uchurlarni oqurmenlirining diqqitige teqdim qildi: «amérika astronomiye jemiyiti bilen amérika döletlik awiatsiye we alem qatnishi idarisining hemkarliqi astida süniy hemrahlar musabiqisi ötküzüldi. musabiqide türk aliy mektep oqughuchilirining netijisi gewdilik boldi, téksas ishtatida ötküzülgen musabiqide 40 komanda ichide istanbul téxnika uniwéristéti apis komandisi birinchi bolup chémpiyonluqqa érishti, zongguldak bulent ejewit uniwérsitéti giruzu-263 alem qatnishi komandisi ikkinchi boldi.»
habertürk géziti «yawropagha <cheribashi>gilasi éksport qilinmaqta»serlewhilik xewiride munu uchurlargha orun ajratti: «edirnening enez nahiyeside yétishtürülgen <cheribashi>gilasliri gérmaniye, gollandiye we firansiye qatarliq nurghun yawropa döletlirige éksport qilinmaqta, shéxidin élinipla sanduqlargha qachilanghandin kéyin shirketler wastisi arqiliq yawropa döletlirige ewetilish üchün yük mashinilirigha qachiliniwatqan <cheribashi>gilasliridin yilliq 400 tonna mehsulat élinishi kütülmekte.»
yéngi shepeq géziti «istanbul opéra féstiwali bashlidi»serlewhilik xewiride munu uchurlarni oqurmenliri bilen ortaqlashti: «xelqara istanbul opéra féstiwali 2-iyunda senetsöyerler bilen yüz körüshidu. bu yil 10-nöwetliki ötküzülidighan féstiwal 14-iyulghiche dawamlishidu. féstiwalda <bolshoy tiyatir ömiki>ikki qétim konsért béridu.»