10.06.2019

türkiye awazi radiyosi: «<xabertürk> géziti», 2018 – yili türkiyedin 2 milyard 325 milyon dollarliq yéngi méwe we otyash (köktat) éksport qilinghanliqini yazdi.

xewerde körsitilishiche, türkiye ötken yili hawa yoli bilen 18 milyon 58 ming dollarliq yéngi méwe we otyash éksport qilghan bolup, omumiy éghirliqi 6691 tonnigha yetken yash méwe we otyash éksporti qimmet nuqtisidin bir aldinqi yilgha sélishturghanda %71 ashqan. hawa yoli arqiliq eng köp méwe we otyash 3 milyon 202 ming dollar bilen xongkonggha qilinghan. xongkongdin qalsa 2 milyon 229 ming dollar bilen norwégiye ikkinchi, 1 milyon 244 ming dollar bilen singapor üchinchi rettin orun alghan.

«<yéngi shepeq> géziti», «antaliyada sayahetchi rékorti» serlewhilik xewiride, antalya waliysi münir qaraloghluning antalyagha künlük kéliwatqan sayahetchi sanida yéngi rékort buzulghanliqini éytqanliqini yazdi.

xewerde, waliy qaraloghluning ijtimaiy taratqu tori arqiliq uchur tarqitip, «mubarek bolsun antalya. künlük yoluchi kirish jehette yene rékort yaritildi. 2019 – yili 8 – iyunda kelgen yoluchilar sani 85205. 2018 – yiligha sélishturghanda bu yil ayliqi %17 lik éshish bilen 570 ming 422 kishi, yilliqi %18 lik éshish bilen 3 milyon 870 ming 211 kishi antalyagha keldi. téximu güzel rékortlar tileymen» dégenlikige dair uchurlargha orun bérildi.

«<hörriyet> géziti», «ege rayoni birinchi charekte 1 milyard 800 milyon dollarliq tashqi soda ong perqi yaratti» serlewhilik xewiride, ege rayonida 2019 – yilining birinchi charikide 3 milyard 117 milyon dollarliq éksportqa qarshi 4 milyard 908 milyon dollarliq mehsulat éksport qilinip, 1 milyard 800 milyon dollar etrapida tashqi soda ong perqi yaritilghanliqini, éksportning importqa sélishturma nisbitining %157 ge yetkenlikini qeyt qildi.

«<star> géziti», «mukemmellik mukapatigha érishti, sayahetchi éqinigha uchridi» serlewhilik xewiride, bitlisning tatwan nahiyesidiki dunyaning ikkinchi, türkiyening eng chong azgal köli bolghan nemrut kölining, héytliq dem élishning axirqi künide ziyaretchi éqinigha uchrighanliqini yazdi.

gézitning xewiride, yawropaning tallanghan rayonlar layihesi dairiside «mukemmellik mukapati» gha érishken déngiz yüzidin 2250 métir égizlikke jaylashqan tengdashsiz güzellikke ige nemrut köli rayonining tebiiy güzellikler bilen birge, issiq we soghuq  kölliri, muz öngkürliri, turxunliri bilen ziyaretchilerni özige mehliya qiliwalghanliqi qeyt qilindi.

«<sabah> géziti», «mesut özil köngüllerni aldi» serlewhilik xewiride töwendiki uchurlarni oqurmenliri bilen ortaqlashti: dangliq putbolchi mesut özil qilghan ianisi arqiliq kishilerning yuqiri bahasigha érishti. dangliq putbolchi türk qizilay jemiyiti arqiliq türkiye we dölet süriyediki 16 ming yétim bala we mohtaj kishige tamaq berdi. ikki mingi süriye we türkiyediki lagérlarda turuwatqan urushning ziyankeshlikige uchrighan balilar bolup yüzlerche kishi mezkur ianidin söyündi. putbolchi yene, köp sanliqi afriqidiki késellik ehwali éghir ming balining opératsiye chiqimlirini üstige aldi. özil nöwette türk qizilay jemiyitining qan we kök hüjeyre seperwerlik paaliyitige ishtirak qilidu.