31.05.2019
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
«hörriyet géziti», «malayshiya bilen pakistan türkiyege nisbeten muhim shériklerdur» serlewhilik xewiride munu uchurlarni oqurmenlirining diqqitige teqdim qildi: «tashqi ishlar ministiri mewlüt chawushoghlu seudi erebistanning jidde shehiride chaqirilghan türkiye-malayshiya-pakistan tashqi ishlar minsitirliri yighinigha ishtirak qildi. chawushoghlu malayshiya bilen pakistanning türkiyege nisbeten muhim shérik döletlerdin ikenlikini bildürüp mundaq dédi:<islam dunyasidiki démokratik döletler we büyük iqtisadiy küchler bolush süpitimiz bilen hemkarliq munasiwitimizni téximu kücheytishimiz we ortaq bayliqimizdin ünümlük paydilinishimiz lazim>.»
«xeber türk géziti», «türkiye 57 döletke pemidur éksport qilmaqta» serlewhilik xewiride munu uchurlarni oqurmenliri bilen ortaqlashti: «türkiye bu yil ichide 57 döletke 163 milyon dollarliq pemidor éksport qildi. bildürülüshiche, eng köp pemidor éksport qilinghan dölet rusiye bolghan.»
«sabah géziti», «xitay awiatsiye shirkiti istanbul ayrodurumigha ehmiyet bermekte» serlewhilik xewiride munu uchurlargha orun ajratti: «xitay jenubiy awiatsiye shirkiti wuxen shehiridin istanbulgha ayropilan sepiri orunlashturdi. nurghun awiatsiye shirkitining ayropilanliri qatnaydighan istanbul ayrodurumigha, xitayning wuxen shehiridin ayropilanlar kélishke bashlidi. merkizi guangjuda bolghan xitay jenubiy awiatsiye shirkiti wuxendin istanbulgha heptide üch qétim ayropilan sepiri orunlashturidu.»
«sitar géziti», «dunyada peqet 30 aq renglik shirla qaldi» serlewhilik xewiride munu uchurlarni oqurmenliri bilen ortaqlashti: «dunyada aran 30 danila qalghan aq shirdin 2 erkek we 2 chishi bolup jemiy 4 dane aq shir tünügün istanbuldiki tuzla shir baghchisigha élip kélindi. jeykadin türkiyege élip kélingen 4 dane aq renglik shir ékskursiyechilerning zor qiziqishini qozghidi, 3 yash etrapida bolghan shirlarning 150-130 kilogiram éghirliqta ikenliki bildürüldi. »
«weten géziti», «jan önjü italiyede musabiqige chüshidu» serlewhilik xewiride munu uchurlarni oqurmenlirining diqqitige teqdim qildi: «motosiklit mahiri jan önjü, dunya chémpiyonluqni talishish musabiqisining 6-nöwetlikide italiyede musabiqige chüshidu. musabiqe türkiye waqti saet 12:00da ötküzülidu.»
