24.05.2017

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

24.05.2017

 

 

türkiye awazi radiyosi: sabah géziti, «1 milyon 200 ming uniwérsitét oqughuchisigha yazliq xizmet imkaniyiti yaritip bérilidu» serlewhilik xewiride munularni qeyt qildi.

jumhur reis rejep tayyip erdoghan élan qilghan ijtimaiy xizmet pirogrammisi bilen istanbulda 51 uniwérsitétta oquwatqan 1 milyon 252 ming oqughuchigha xizmet imkaniyti yaritip bérilidu. 3 ayliq tetil boyiche ijtimaiy xizmetlerde ishligen yashlar 2500 lira maash bilen tuji qétim sughurtaliq bolghan bolidu. yashlar özliri türüshluq sheherlerde, yashanghanlargha qarash, ijtimaiy xizmetler, oqutquchiliq, tenterbiye qatarliq sahelerde ishleydu. istanbul sheherlik hökümitimu binakarliq, sayahet, ijtimaiy layiheler we kültür xizmetliri saheside 50 ming oqughuchigha waqitliq ish imkaniyiti yaritip béridu.

sitar géziti, «sanaetchilerge 30 milyard liraliq yardem» serlewhlik xewiride munulargha orun ajratti:

xezine we maliye ishliri ministiri berat albayraq, maliyeni ilgirilitish pilanini élan qildi. ministir berat albayraq démekchi bolghanlirining düshmenlerni qattiq azablanduridighanliqini tekitlep, «iyun éyidin bashlap türkiyening qizil reqemge xatime bérishni bashlaydighanliqini mölcherlimektimiz» dédi. maliyeni ilgirilitish pilani dairiside bu yilning axirighiche sanaetchilerni 30 milyard liraliq maliye yardimi bilen teminleydighanliqini élan qildi.

xeber türk géziti, «<Skoda> uyushmisi <Volkswagen> zawutining türkiyede yaki bolghariyede qurulushi mumkinlikini éytti» serlewhilik xewiride munularni oqurmenlirning diqqitige sundi:

<Skoda> uyushmisi teripidin élan qilinghan bayanatta, <Volkswagen> zawutining türkiyede yaki bolghariyede qurulushi mumkinliki bildürüldi. bulghariyening muqim siyasiy weziyiti we yawropa ittipaqigha eza dölet ikenliki ewzel dep qaralsa, türkiyening aptomobil sahesidiki eng yaxshi ul eslige we muessiselerge ige ikenlikining karxanichilarning diqqitini tartiwatqanliqi uqturuldi.

yéngi shepeq géziti, «sümelaning derwaziliri qaytidin échilidighan boldi» serlewhilik xewiride munularni qeyt qildi:

trabzondiki sümela monastirining rémunt xizmetlirining süriti tézlashturuldi. sümela monastiri aridin 4 yil ötkendin kéyin qaytidin ziyaretchilerni qobul qilishni bashlaydu. ziyaretchiler monastir ichidiki birinchi hoylisighiche bolghan deslepki qismini 25 - may shenbe künidin étibaren ziyaret qilalaydu. sümela monastirida dawamlishiwatqan rémunt xizmetlirini tamamlanghandin kéyin munastirni b d t maarip, ilim pen we medeniyet teshkilati «UNESCO» ning dunya medeniyet mirasi tizimlikige kirgüzüsh xizmetliri bashlinidu.

radiyo anglighuchi eziz qérindashlar! yuqirida türkiye gézitliridin tallap teyyarlighan qisqiche xewerlirimizni anglidinglar!



مۇناسىۋەتلىك خەۋەرلەر