21.05.2019
bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:
sitar géziti «jumhur reis rejep tayyip erdoghanning <s-500>tipliq mudapie sistémisi teklipige rusiyedin jawab keldi»serlewhilik xewiride munu uchurlarni oqurmenlirining diqqitige teqdim qildi: «jumhur reis rejep tayyip erdoghanning hazirqi <s-400>tipliq mudapie sistémisi kélishimidin kéyin <s-500>tipliq mudapie sistémilirini rusiye bilen shirikliship ishlepchiqirish teklipi toghruluq toxtalghan rusiye mutexessisliri, bu sahede hemkarliq ornitishning tamamen mumkin ikenlikini bildürüshti. türkiye burunmu rusiye bilen 5-ewlad owchi ayropilanlirini ishlepchiqirish üchün hemkarliq ornitshning mumkinchiliqi barliqini bildürgenidi.»
sabah géziti « sitanbul ayrodurumi katta mukapatqa layiq körüldi»serlewhilik xewiride munu uchurlarni oqurmenliri bilen ortaqlashti: «türkiyening dunyagha échilghan yéngi ishiki istanbul ayrodurumi, dawamliq sayahet qilip turidighan, yuqiri istémalliq, dunyadiki eng katta méhan-saraylarda turalaydighan yoluchilar bilen biwaste söhbet ötküzüp turidighan ayliq sayahet zhurnili «yer shari sayahiti» teripidin mukapatqa érishti. yer shari sayahet zhurnili mukapat alidighan markilarni 2018-yil 1-öktebirdin 2019-yili 31-yanwarghiche bolghan ariliqta oqurmenliri bilen élip barghan ray sinash paaliyiti netijisige asasen bahalap chiqti.»
yéngi shepeq géziti «türkiyening aq déngiz rayoni 4 ayda 62 milyon dollarliq pemidor éksport qildi»serlewhilik xewiride munu uchurlargha orun ajratti: «antalya, isparta we burdur qatarliq wilayetlerdiki éksportchilardin teshkil tapqan aq déngiz éksportchilar birliki, bu yil yanwar-aprél mezgilliride 157 milyon 493 ming 977 dollarliq miwe-chiwe we otyash éksport qildi. antalya, isparta we burdur wilayetliridin rusiyege 23 milyon 460 ming 208 dollarliq, gérmaniyege 23 milyon 435 ming 861 dollarliq miwe-chiwe we otyash éksport qilindi.»
haber türk géziti « mexsus sayahetchilerge mulazimet qilidighan sherq poyizining tunji sepiri bashlinish aldida»serlewhilik xewiride munu uchurlarni oqurmenlirining diqqitige teqdim qildi: «yoluchilarning sherq poyizigha bolghan qiziqishini ashurush üchün élip bérilghan xizmetler, seper jeryanidiki menzirlerning resimlirining ijtimaiy taratqularda tarqitilishi we sayahet shirketliri bilen ornitilghan hemkarliqlar türtkiside sherq poyizigha bolghan qiziqish kündin-künge ashmaqta. qatnash we ul-eslihe qurulushliri ministiri jahit turhan bilen medeniyet we sayahet ministiri mehmet nuri ersoy, tunji sepirini bashlaydighan sherq poyizini, 29-mayda enqeredin kars wilayitige murasim bilen yolgha salidu. 1300 kilométirliq musapini 24 saette tamamlaydighan sherq poyizi, seper jeryanida 53 istansidin ötidu.»
hürriyet géziti «kelgen yene bir qétim kélidu, hem yawropa hem asiya seldek aqmaqta»serlewhilik xewiride munu uchurlargha orun ajratti: «türkiye boyiche eng köp ékskursiye qilinidighan tarixiy we tebiiy güzelliklerni özide mujessemleshtürgen ihlara wadisi qaynam tashqinliqqa toldi. ihlara wadisini bultur 501 ming 158 kishi ékskursiye qildi. 14 kilométir uzunluqtiki ihlara wadisida oyma makanlar, chérkawlar we her xil ösümlükler bar.kapadokyagha yéqin bolghan bu wadi güzelliki bilen yerlik we chet ellik sayahetchilerni mest qilmaqta.»
مۇناسىۋەتلىك خەۋەرلەر
19.04.2024
bügünki türkiye metbuatida orun alghan bezi muhim xewerlerning qisqiche mezmunliri töwendikiche: