17.05.2017

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

17.05.2017

 

türkiye awazi radiyosi: xeber türk géziti, «chawushoghlu: "S-400" lerning kontirolluqi türkiyede bolidu» serlewhilik xewride munularni yazdi:

tashqi ishlar ministiri mewlüt chawushoghlu létoniyede élip barghan resmiy ziyariti dairiside mensepdishi édgards rinkéwiks bilen qoshma axbarat élan qilish yighini chaqirdi. yighinda "S-400" bashqurulidighan bomba mudapie sisitémisi üstide toxtaldi. mewlüt chawushoghlu amérikning «"S-400" bashqurulidighan bomba mudapie sistémiliri " F-35" tipliq ayropilanlirimizgha tehdit shekillendüridu» dégen sözlirige jawab qayturup, «biz intayin ochuq bir shekilde bildürduq. bu sistéma pütünley bizning kontirolluqimizda bolidu» dédi. mewlüt chawushoghlu amérikigha bu mesile heqqide ortaq xizmet guruppisi qurush teklipide bolghanliqinimu éytti. 

sitar géziti, «putin: türkler bilen ish qilish téximu asan» serlewhilik xewiride munu uchurlargha orun ajratti:

rusiye pirézidénti putin amérika we bezi yawropa döletliri aldini tosus üchün her xil charilerni ishqa siliwatqan lékin shundaqtimu qurulushi dawamlishiwatqan rusiye tebiiy gazini yawropagha yetküzdighan shimaliy éqim 2 tebiiy gaz turubba liniyesi layihesi üstide toxtilip, türk éqimi tebii gaz turubba liniyesi layihesini ima qildi. putin: «türkler bilen ish qilish yawropaliqlar bilen ish qilishtin asan. chünki jumhur reis rejep tayyip erdoghan qarar maqullaydu we derhal ijra qilidu» dédi. 

yéngi shepeq géziti, «xelqara kiridétni derijilendürüsh orgini "Moody’s" türkiye iqtisadining küchlük tereplirini élan qildi» serlewhilik xewiride munu uchurlarni hembehirleshti:

xelqara kiridétni derijilendürüsh orgini "Moody’s" ning yawropa, ottura sherq we afriqa döletliri xewplerni bayqash guruppisi diriktori yiwés lémay engliyening paytexti londonda chaqirilghan "Moody’s” tereqqiy qiliwatqan bazarlar rehberler yighinida türkiye iqtisadining külük terepliri üstide toxtaldi. lémay: «türkiyening iqtisadi jehettiki köp xilliqi, yash emgek küchi we hökümetning xirajet jedwili türkiye iqtisadining qudretlik terepliridur» dédi. lémay «iqtisadning hejimi, kـöp xilliqi, dinamizmi we hökümetning yolgha qoyghan ijabiy qerz ölchemliri iqtisadning ikki asasliq küch menbesi hsablinidu» dédi.

sabah géziti, «chet elliklerge öy sétishta aprilda eng yuqiri nisbet yaritildi» serlewhilik xewiride munu uchurlarni oqurmenlirining diqqitige sundi:

cheet elliklerge öy sétish nisbiti yilning deslepki charikidiki küchlük weziyitini april éyidimu dawamlashturdi. deslepki 4 ayda 13 ming 338 öy sétildi.  aldinqi yilning oxshash mezgilide chet elliklerge 7341 öy sétilghan idi. bu %82 lik yuqiri örleshni körsitip béridu. bu yilning april éyida chet elliklerge öy sétish nisbiti aldinqi yilning oxshash mezgilige sélishturghanda %82.1 éship, eslidiki 2043 tin 3720 ge örlidi.  shundaq qilip, chet elliklerge oy sétish nisbitide tarixtiki eng yuqiri sanni qolgha keltürdi.

hörriyet géziti, «englizler tallidi؛ bu yil türkiyede tetil ötküzüshke tégishlik 10 yer» serlewhilik xewiride munularni hembehirleshti:

engliyede chiqidighan «The Telegraph» gézitining muherrirliri 2019yilida türkiyede déngiz tetili qilishqa tégishlik 10 yerni tallap retke tizdi. tizimlikte pütün ispaniyedinmu köprek 5 yultuzluq méhmanxanilargha ige antalya, kemerdiki chirali qomluq sahili, sayahet merkizi kalkan, kash nahiyesi ichide uzunluqi jemiy 12 kélométir kélidighan patara sahili, alanya sahilliri, sidening kök bayraqliq déngiz sahilliri, mughlaning dalyandiki iztuzu sahili, izmir cheshmediki sahil we yézilar, fethiyediki ölük déngiz we bodrum yérim arili qatarliq jaylar orun aldi. 



مۇناسىۋەتلىك خەۋەرلەر