تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

17.05.2017

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

17.05.2017

 

түркийә авази радийоси: хәбәр түрк гезити, «чавушоғлу: "S-400" ләрниң контироллуқи түркийәдә болиду» сәрләвһилик хәвридә мунуларни йазди:

ташқи ишлар министири мәвлүт чавушоғлу летонийәдә елип барған рәсмий зийарити даирисидә мәнсәпдиши едгардс ринкевикс билән қошма ахбарат елан қилиш йиғини чақирди. йиғинда "S-400" башқурулидиған бомба мудапиә сиситемиси үстидә тохталди. мәвлүт чавушоғлу америкниң «"S-400" башқурулидиған бомба мудапиә системилири " F-35" типлиқ айропиланлиримизға тәһдит шәкилләндүриду» дегән сөзлиригә җаваб қайтуруп, «биз интайин очуқ бир шәкилдә билдүрдуқ. бу система пүтүнләй бизниң контироллуқимизда болиду» деди. мәвлүт чавушоғлу америкиға бу мәсилә һәққидә ортақ хизмәт гурупписи қуруш тәклипидә болғанлиқиниму ейтти. 

ситар гезити, «путин: түркләр билән иш қилиш техиму асан» сәрләвһилик хәвиридә муну учурларға орун аҗратти:

русийә пирезиденти путин америка вә бәзи йавропа дөләтлири алдини тосус үчүн һәр хил чариләрни ишқа силиватқан лекин шундақтиму қурулуши давамлишиватқан русийә тәбиий газини йавропаға йәткүздиған шималий еқим 2 тәбиий газ турубба линийәси лайиһәси үстидә тохтилип, түрк еқими тәбии газ турубба линийәси лайиһәсини има қилди. путин: «түркләр билән иш қилиш йавропалиқлар билән иш қилиштин асан. чүнки җумһур рәис рәҗәп таййип әрдоған қарар мақуллайду вә дәрһал иҗра қилиду» деди. 

йеңи шәпәқ гезити, «хәлқара киридетни дәриҗиләндүрүш оргини "Moody’s" түркийә иқтисадиниң күчлүк тәрәплирини елан қилди» сәрләвһилик хәвиридә муну учурларни һәмбәһирләшти:

хәлқара киридетни дәриҗиләндүрүш оргини "Moody’s" ниң йавропа, оттура шәрқ вә африқа дөләтлири хәвпләрни байқаш гурупписи дириктори йивес лемай әнглийәниң пайтәхти лондонда чақирилған "Moody’s” тәрәққий қиливатқан базарлар рәһбәрләр йиғинида түркийә иқтисадиниң күлүк тәрәплири үстидә тохталди. лемай: «түркийәниң иқтисади җәһәттики көп хиллиқи, йаш әмгәк күчи вә һөкүмәтниң хираҗәт җәдвили түркийә иқтисадиниң қудрәтлик тәрәплиридур» деди. лемай «иқтисадниң һәҗими, кـөп хиллиқи, динамизми вә һөкүмәтниң йолға қойған иҗабий қәрз өлчәмлири иқтисадниң икки асаслиқ күч мәнбәси һсаблиниду» деди.

сабаһ гезити, «чәт әлликләргә өй сетишта априлда әң йуқири нисбәт йаритилди» сәрләвһилик хәвиридә муну учурларни оқурмәнлириниң диққитигә сунди:

чәәт әлликләргә өй сетиш нисбити йилниң дәсләпки чарикидики күчлүк вәзийитини април ейидиму давамлаштурди. дәсләпки 4 айда 13 миң 338 өй сетилди.  алдинқи йилниң охшаш мәзгилидә чәт әлликләргә 7341 өй сетилған иди. бу %82 лик йуқири өрләшни көрситип бериду. бу йилниң април ейида чәт әлликләргә өй сетиш нисбити алдинқи йилниң охшаш мәзгилигә селиштурғанда %82.1 ешип, әслидики 2043 тин 3720 гә өрлиди.  шундақ қилип, чәт әлликләргә ой сетиш нисбитидә тарихтики әң йуқири санни қолға кәлтүрди.

һөррийәт гезити, «әнглизләр таллиди؛ бу йил түркийәдә тәтил өткүзүшкә тегишлик 10 йәр» сәрләвһилик хәвиридә мунуларни һәмбәһирләшти:

әнглийәдә чиқидиған «The Telegraph» гезитиниң муһәррирлири 2019йилида түркийәдә деңиз тәтили қилишқа тегишлик 10 йәрни таллап рәткә тизди. тизимликтә пүтүн испанийәдинму көпрәк 5 йултузлуқ меһманханиларға игә анталйа, кәмәрдики чирали қомлуқ саһили, сайаһәт мәркизи калкан, каш наһийәси ичидә узунлуқи җәмий 12 келометир келидиған патара саһили, аланйа саһиллири, сидәниң көк байрақлиқ деңиз саһиллири, муғланиң далйандики изтузу саһили, измир чәшмәдики саһил вә йезилар, фәтһийәдики өлүк деңиз вә бодрум йерим арили қатарлиқ җайлар орун алди. 



مۇناسىۋەتلىك خەۋەرلەر