16.05.2019

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

16.05.2019

türkiye awazi radiyosi: «‹sabah› géziti», «jumhur reis rejep tayyip erdoghan ezerbeyjan we özbékistan rehberliri bilen téléfonda körüshti» serlewhilik xewiride, töwendiki melumatlarni oqurmenlirining diqqitige sundi:

jumhur reis rejep tayyip erdoghan ezerbeyjan pirézidénti ilham eliyéw we özbékistan pirézidénti shewket mirziyoyéw bilen téléfonda körüshti.

jumhur reislik sariyi menbelirining bildürüshiche, téléfon söhbetliride, ikki dölet munasiwetliri we rayonluq mesililer muzakire qilinghan.

«‹höriyet› géziti», « tashqi ishlar ministiri mewlüt chawushoghlu <400 – s> bashqurulidighan bomba mudapie sistémisi  heqqide bayanat élan  qildi» serlewhilik xewiride, munularni qeyt qildi:

türkiye tashqi ishlar ministiri mewlüt chawushoghlu türkiyeiaه rusiyedin «400 - s» bashqurulidighan bomba sistémisi sétiwélishni kéchiktürüsha yaki toxtitishining mumkin emeslikini eskertish bilen bir waqitta, bu heqtiki dewalargha jawab bérip mundaq dédi: «<400 – s> bashqurulidighan bomba mudapie sistémisini sétiwélishni kéchiktürüshimiz, yaki toxtitishimiz mumkin emes. chünki bu heqte alliqachan kélishim  tüzülüp bolghan, ehwal bundaq iken némishqa bu heqte toxtalghudekmiz?»

«‹star› géziti», «türkiyege kéliwatqan chet ellik sayahetchilerning sani köpeymekte» serlewhilik xewiride, töwendiki uchurlarni oqurmenlirining diqqitige sundi:

türkiye medeniyet we sayahet ishliri ministiri mehmet nuri ersoy, aldinqi ayda türkiyege kelgen chet ellik sayahetchiler sanining % 24 ashqanliqini bildürdi.

türkiye medeniyet we sayahet ishliri ministirliqi teripidin bu heqte élan qilinghan yazma bayanatta eskertilishiche, ministir ersoy, aprél éyida türkiyege kelgen sayahetchiler sanining % 24 ashqanliqini, bularning ichide gérmaniyedin kelgen sayahetchilerning % 48 ni teshkil qilidighanliqini tekitlep mundaq dégen: «aprél éyida türkiyege kelgen sayahetchiler sanida % 48 lik éishish bilen gérmaniyelikler birinchi orunda, gérmaniyeliklerdin qalsa, rusiyelikler  % 34 lik éshish bilen ikkinchi orunda, engliyelikler %  31 lik éshish bilen üchinchi orunda turidu.»

«‹xewer türk› géziti», «méwe - chiwe we köktat ékisportida rusiye aldinqi orunda turidu» serlewhilik xewiride, töwendiki bayanlargha orun ajratti:

türkiyedin bu yilning deslepki töt éyi ichide 118 döletke 622 milyon 463 ming 509 dollarliq méwe - chiwe we köktat ékisport qilindi. bu mezgilde rusiye 184 milyon 157 ming dollarliq ülüsh bilen birinchi retke tizildi.

«‹weten› géziti», «marakeshte türkiyening téléwiziye tiyatirliri rékortni buzup tashlimaqta» serlewhilik xewiride, töwendiki melumatlarni oqurmenlirining diqqitige sundi:

marakeshta qoyuluwatqan téléwiziye tiyatirliri arisida türk téléwiziye tiyatirliri  aldinqi orunda turmaqta. dölettiki yerlik téléwiziye qanallirida qoyuluwatqan téléwiziye tiyatirlirining körülüsh nisbitini közitiwatqan «marok métri» isimlik bahalash orgini teripidin bu heqte élan qilinghan yazma bayanatta eskertilishiche, hökümetke qarashliq 2 téléwiziye qanilida qoyuluwatqan «méni kechürüng» namliq türk téléwiziye tiyatiri, ramizan éyida eng köp körülgen téléwiziye tiyatirliri arisida üchinchi retke tizilghan.



مۇناسىۋەتلىك خەۋەرلەر