تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

14.05.2019

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

14.05.2019

sitar géziti «atmaja namliq rakétamiyot pütüp chiqishqa az qaldi»serlewhilik xewiride munu uchurlarni oqurmenlirining diqqitige teqdim qildi: «yuqiri téxnikiliq hésablinidighan türkiyening tunji déngiz asti rakétamiyoti 1 we 1 yérim yil ichide paraxotlargha ornitilishqa bashlinidu. her  qandaq hawa rayida ishletkili bolidighan yuqiri téxnikiliq atmaja namliq rakétamiyot hujumgha taqabil turush , nishanni asan perq étish, tiz inkas qayturush we wezipini téz sürette orundash qatarliq alahidiliklerge ige sistémilar türtkiside özgirishchan nishanlarnimu bir terep qilalaydu.»

hürriyet géziti «türk hawa yolliri shirkiti bultur yanfon pirogrammisidin 4 milyon 100 ming bélet satti»serlewhilik xewiride munu uchurlargha orun ajratti: «türk hawa yolliri shirkiti bultur yanfon pirogrammisi arqiliq 4 milyon 100 ming dane bélet satti, köp xil alahidiliki bolghan we ishenchilik sayahet qollanmisigha aylanghan yanfon pirogrammisi, bultur 75 milyon 200 ming yoluchigha mulazimet qilghan türk hawa yolliri shirkitige zor qolayliq élip kelmekte.»

haber türk géziti «quruq üzüm éksportida <uzaq sherq>berikiti»serlewhilik xewiride munu uchurlarni oqurmenliri bilen ortaqlashti: «türkiye quruq üzüm éksportida <uzaq sherq>ni bazar qilip békitti, yillardin buyan bu chong bazargha qilinghan éksportning miwisi körülüshke bashlidi. quruq üzüm éksporti dunya boyiche nopusi eng köp bolghan xitaygha %120, yaponiyege %87 ashti.»

sabah géziti «ruslar antalyagha seldek aqti»serlewhilik xewiride munu uchurlargha orun ajratti: «rus sayahetchiliri antaliyadiki tarixi makan qeleichi rayonini eng köp kezmekte, qeleichi rayoni rus sayahetchiler bolup yazliq tetil üchün antaliyani tallighanlar tunji bolup kézidighan rayongha aylandi. sayahetchiler tar we kichik kochiliri bolghan, taxtay öyler bilen tolghan qeleichi rayonini tolimu yaqturidu.»

watan géziti «déywid garrét istanbulgha kélidu»serlewhilik xewiride munu uchurlarni oqurmenliri bilen ortaqlashti: «dunyagha meshhur némis muzikant déywid garrét 21-séntebirde istanbulda konsért béridu, meshhur muzikant < tügimes hayat>paaliyiti dairiside türkiyege kélidu.»


خەتكۈچ: türkiye

مۇناسىۋەتلىك خەۋەرلەر