13.05.2019

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

13.05.2019

türkiye awazi radiyosi xewiri: «<xabertürk> géziti», «türkiye iyun éyida yéngi iqtisadiy pilanini élan qilidu» serlewhilik xewiride, xezine we maliye ishliri ministiri berat albayraqning iyun éyida import we éksport sahesige hemdem bolidighan yéngi bir iqtisad pilanining élan qilinidighanliqini bildürgenlikini yazdi.

gézitining xewiride körsitilishiche, baj töwen qurulmisigha özgertish kirgüzüshni pilanlawatqanliqlirini bildürgen albayraq «ishlepchiqirish sighimchanliqini ashuridighan bir pilan bolidu. importni azaytip éksportni ashurimiz» dégen.

xewerde yene ministir albayraqning pul paxalliqida keskin töwenlesh körülidighanliqini, ösümlerningmu bir qanche ay ichide körünerlik derijide töwenleydighanliqini éytqanliqi qeyt qilindi.

«<yéngi shepeq> géziti», «fatih burghilash paraxoti qibris arilining gherbide burghilash xizmitini bashlaydu» serlewhilik xewiride, fatih burghilash paraxoti – babaros hayreddin pasha yer tewreshni tekshürüshni paraxotining déngiz armiyesining hemrahliqida tekshürüshlirini axirlashturghan qibris arilining gherbide burghilash xizmetlirini bashlaydighanliqini yazdi.

xewerde körsitilishiche, alaqidar emeldarlar, fatihning qibrisning gherbidiki yéngi burghilash nuqtisidin intayin ümidwar iken.

xewerde yene, türkiyening sherqiy aq déngizdiki tunji énérgiye menbesige bu sahege érishishining kütülüwatqanliqi eskertildi.

«<star> géziti», «türkiye pakistandin <super mushaq> meshiq ayropilani sétiwalidu» serlewhilik xewiride, türkiye bilen pakistan arisida sodining süret bilen küchiyidighanliqini yazdi.

gézitning xewiride, türkiye 30 dane atak namliq hujumchi tik uchar ayropilanni tapshurup bérilidighan pakistandin 52 dane «super mushaq» namliq meshiq ayropilani sétiwélishni pilanlawatqanliqi qeyt qilindi.

gézitining xewiride körsitilishiche, ikki dölet yene mudapie saheside ortaq ishlepchiqirish boyiche hemkarliq ornitishni pilanlimaqta iken. buningdin bashqa türkiye pakistandiki téxnologiye baghchilirining tereqqiyatigha téxnikiliq jehettin yardem béridiken.

«<hörriyet> géziti», «hayajan peyda qilghan bayqash, kapadokyada tasadipiy tépildi» serlewhilik xewiride, newshehirning ajigöl nahiyesige qarashliq tatlarin bazirida bir yer asti shehiri bayqalghanliqini yazdi.

gézitning xewiride, muzéy ishliri mudirliqi teripidin élip bérilidighan xizmetlerdin kéyin mezkur yerasti sheherning sayahetchilerge échiwétilidighanliqi qeyt qilindi.

«<weten> géziti», «héyt üchün 300 ming orun ayritquzuldi» serlewhilik xewiride, türkiye méhmanxana xojayinliri fédératsiyesi bashliqi osman ayikning, 4 – iyunda bashlinidighan roza héyt tetilide türkiye miqyasida 300 ming yerlik sayahetchining méhmanxanilardin orun ayritquzghanliqini éytqanliqini yazdi.

gézitining xewiride körsitilishiche, osman ayik, hem tashqi bazardin kelgen orun ayritquzushlarda hem ichki bazardiki héytliq orun ayritquzushlar sewebidin (héyt mezgilide) méhmanxanilardiki orun toshup kétish nisbitining %100 ge yéqinlishidighanliqini tekitlep ötken.


خەتكۈچ: türkiye , gézit , metbuat , uyghurche

مۇناسىۋەتلىك خەۋەرلەر