تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

13.05.2019

бүгүнки түркийә гезитлиридин таллап тәййарлиған хәвәрлиримизниң қисқичә мәзмунлири төвәндикичә:

13.05.2019

түркийә авази радийоси хәвири: «<хабәртүрк> гезити», «түркийә ийун ейида йеңи иқтисадий пиланини елан қилиду» сәрләвһилик хәвиридә, хәзинә вә малийә ишлири министири бәрат албайрақниң ийун ейида импорт вә експорт саһәсигә һәмдәм болидиған йеңи бир иқтисад пиланиниң елан қилинидиғанлиқини билдүргәнликини йазди.

гезитиниң хәвиридә көрситилишичә, баҗ төвән қурулмисиға өзгәртиш киргүзүшни пиланлаватқанлиқлирини билдүргән албайрақ «ишләпчиқириш сиғимчанлиқини ашуридиған бир пилан болиду. импортни азайтип експортни ашуримиз» дегән.

хәвәрдә йәнә министир албайрақниң пул пахаллиқида кәскин төвәнләш көрүлидиғанлиқини, өсүмләрниңму бир қанчә ай ичидә көрүнәрлик дәриҗидә төвәнләйдиғанлиқини ейтқанлиқи қәйт қилинди.

«<йеңи шәпәқ> гезити», «фатиһ бурғилаш парахоти қибрис арилиниң ғәрбидә бурғилаш хизмитини башлайду» сәрләвһилик хәвиридә, фатиһ бурғилаш парахоти – бабарос һайрәддин паша йәр тәврәшни тәкшүрүшни парахотиниң деңиз армийәсиниң һәмраһлиқида тәкшүрүшлирини ахирлаштурған қибрис арилиниң ғәрбидә бурғилаш хизмәтлирини башлайдиғанлиқини йазди.

хәвәрдә көрситилишичә, алақидар әмәлдарлар, фатиһниң қибрисниң ғәрбидики йеңи бурғилаш нуқтисидин интайин үмидвар икән.

хәвәрдә йәнә, түркийәниң шәрқий ақ деңиздики тунҗи енергийә мәнбәсигә бу саһәгә еришишиниң күтүлүватқанлиқи әскәртилди.

«<стар> гезити», «түркийә пакистандин <супәр мушақ> мәшиқ айропилани сетивалиду» сәрләвһилик хәвиридә, түркийә билән пакистан арисида содиниң сүрәт билән күчийидиғанлиқини йазди.

гезитниң хәвиридә, түркийә 30 данә атак намлиқ һуҗумчи тик учар айропиланни тапшуруп берилидиған пакистандин 52 данә «супәр мушақ» намлиқ мәшиқ айропилани сетивелишни пиланлаватқанлиқи қәйт қилинди.

гезитиниң хәвиридә көрситилишичә, икки дөләт йәнә мудапиә саһәсидә ортақ ишләпчиқириш бойичә һәмкарлиқ орнитишни пиланлимақта икән. буниңдин башқа түркийә пакистандики технологийә бағчилириниң тәрәққийатиға техникилиқ җәһәттин йардәм беридикән.

«<һөррийәт> гезити», «һайаҗан пәйда қилған байқаш, кападокйада тасадипий тепилди» сәрләвһилик хәвиридә, нәвшәһирниң аҗигөл наһийәсигә қарашлиқ татларин базирида бир йәр асти шәһири байқалғанлиқини йазди.

гезитниң хәвиридә, музей ишлири мудирлиқи тәрипидин елип берилидиған хизмәтләрдин кейин мәзкур йәрасти шәһәрниң сайаһәтчиләргә ечиветилидиғанлиқи қәйт қилинди.

«<вәтән> гезити», «һейт үчүн 300 миң орун айритқузулди» сәрләвһилик хәвиридә, түркийә меһманхана хоҗайинлири федератсийәси башлиқи осман айикниң, 4 – ийунда башлинидиған роза һейт тәтилидә түркийә миқйасида 300 миң йәрлик сайаһәтчиниң меһманханилардин орун айритқузғанлиқини ейтқанлиқини йазди.

гезитиниң хәвиридә көрситилишичә, осман айик, һәм ташқи базардин кәлгән орун айритқузушларда һәм ички базардики һейтлиқ орун айритқузушлар сәвәбидин (һейт мәзгилидә) меһманханилардики орун тошуп кетиш нисбитиниң %100 гә йеқинлишидиғанлиқини тәкитләп өткән.



مۇناسىۋەتلىك خەۋەرلەر