10.05.2019

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

10.05.2019

ситар гезити «ташқи ишлар минситирлиқи американиң истанбул сайлими тоғрулуқ елан қилған байанатиға наразилиқ билдүрди»сәрләвһилик хәвиридә муну учуларни оқурмәнлири билән ортақлашти: «ташқи ишлар министирлиқи байанатчиси һами аксой, америка ташқи ишлар министирлиқи байанатчиси морган ортагус вә америка мәҗлис әзалириниң истанбулдики сайлам тоғрулуқ елан қилған байанатлири үстидә тохтилип мундақ деди: алий сайлам кеңишиниң бу қарариға һөрмәт қилиш керәк, буниңға охшаш әһвалниң америка вә башқа дөләтләрдиму көрүлгәнликини вә буниң демократийә қаидә-пиринсиплири даирисдә һәл қилинғанлиқини есимиздин чиқирип қоймаслиқимиз лазим.»

йеңи шәпәқ гезити «анка миллий радарлири билән әгә вә ақдеңизда»сәрләвһилик хәвиридә мунуларға орун аҗратти: «йәрлик инсансиз һава аппарати болған анка радар үскүнлири билән рәсмий ишқа киришти, радар вә камера орунлаштурулған анка, деңиз армийәсиниң чарилаш вә көзитиш елип бериши үчүн әгә вә ақдеңизда ишилитилиду. радар арқилиқ йирақ мусапә вә булут үстидин мәлумат йиғиш алаһидилики болған анка, деңиздики йат унсурларни тепип чиқип орун бәгилийәләйду.»

сабаһ гезити «үнчә-мәрвайит експорти апрелда 258 милйон 900 миң долларға йәтти»сәрләвһилик хәвиридә муну учурларни оқурмәнлириниң диққитигә тәқдим қилди: «үнчә-мәрвайит експортчилар уйушмиси өткән ай 258 милйон 862миң 728 долларлиқ үнчә-мәрвайит експорт қилинғанлиқини уқтурди. уйушма тәрипидин елан қилинған байанатта апрелда оттура асийа дөләтлиригә 81 милйон доллар , оттура шәрқ дөләтлиригә 60 милйон доллар, шималий америкаға 50милйон 300 миң доллар, йавропа иттипақи дөләтлиригә 32 милйон доллар вә башқа асийа дөләтлиригә 14 милйон доллар қиммитидә үнчә-мәрвайит експорт қилинғанлиқи билдүрүлди. »

һабәр түрк гезити «лорена маккенит түркийәдә 3 консерт бериду»сәрләвһилик хәвиридә мунуларға орун аҗратти: «канадалиқ музикант лорена маккенит түркийәдә ихласмәнлири билән көрүшиду, сәнәтчи 29-ийунда дәсләп измирдә, арқидин әнқәрәдә, 1-ийулда болса истанбулда консерт бериду.»

һүррийәт гезити «разгатлоғлу билән софуоғли италийәдә мусабиқигә чүшиду»сәрләвһилик хәвиридә муну учурларни оқурмәнлири билән ортақлашти:  «миллий мотосиклитчилардин топрақ разгатлиоғли билән баһаттин софуоғлу дунйа мотосиклит чимпийонлуқни талишиш мусабиқисигәһәптә ахири италийәдә қатнишиду.»



مۇناسىۋەتلىك خەۋەرلەر