تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

09.05.2019

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

09.05.2019

türkiye awazi radiyosi: «‹yéngi shepeq› géziti», « Türksat 5A ni qoyup bérish waqti éniq boldi» serlewhilik xewiride, töwendiki melumatlarni oqurmenlirining diqqitige sundi:

türkiyening süniy hemrah shirkiti türksatning bash diréktori jenk shen, Türksat 5A süniy hemrahning kéler yilning ikkinchi charikide amérika qoshma ishtatlirining florida ishtatidiki bir   qoyup bérish supisidin qoyup  bérilishining pilanliniwatqanliqini eskertti.

«‹höriyet› géziti», «sayahetchilerning eng jezbidarliq makani antalya» serlewhilik xewiride, töwendiki melumatlargha orun ajratti:

antalya bultur ikki ayrodurumda 13 milyon 591 ming 17 sayahetchini, 5 nahiyediki muhim portlar qatarliq jaylarda 51 ming 835 bolup, jemiy 13 milyon 642 ming 852 sayahetchini kütüwaldi.

2018 – yili antalyagha kelgen sayahetchilerning sani aldinqi yilning oxshash mezgilige sélishturghanda % 30 ashti. 2019 – yili 16 milyon sayahetchining kélishining kütülüwatqanliqi bildürüldi. 2019 – yilning deslepki 4 éyi ichide sheherge kelgen sayahetchilerning sani bulturning oxshash mezgilige sélishturghanda % 32 éship, 1 milyon 560 ming 862 ge yetti.

«‹sabah› géziti», «türkiyening yéngi tiptiki qorali alka» serlewhilik xewiride, töwendiki uchurlarni oqurmenlirining diqqitige sundi:

türkiye yéqindin buyan térrorluq hujumlirida nahayiti köp ishlitilidighan partlatquch qachilanghan aptomobillar we qol bombilirini pachaqlap tashlash üchün dunyada nahayiti yéngi bolghan «alka yiraqtin kontirol qilinidighan énérgiye qoral sistémisi < YESS > » ni ishlepchiqardi.

türkiyening rakétamiyot we bashqurulidighan bomba sahesidiki achquchluq shirkiti ROKETSAN,, «alka yiraqtin kontirol qilinidighan énérgiye qoral sistémisi < YESS > » ni tunji qétim istanbulda ötküzülgen 14 – nöwetlik xelqara dölet mudapiesi sanaiti yermenkiside tonushturdi.

alka sinaq körünüshliride qol bombisi, bixeterlikke ziyan salidighan uchquchisiz hawa apparati,  oq - dora toshuydighan uchquchisiz hawa apparati, jasusluq qilidighan uchquchisiz hawa apparati hujumliri qatarliq tehditlerni bir terep qilishta muweppeqiyetlik halda sinaqtin ötti.

«‹weten› géziti», «pasporttin yüz tonush sistémisi ishqa kirishtürüldi» serlewhilik xewiride, töwendiki melumatlarni oqurmenlirining diqqitige sundi:

dunyada köpligen ayrodurumlarda ijra qilinidighan barmaq izi we yüz tonush arqiliq pasport kontirolluqidin ötkili bolidighan  biyo perqlendürüsh aptomatik ötüsh sistémisi sinaq teriqiside sabiha gökchen xelqara ayrodurumida xizmetke kirishtürülidu. bu sistéma arqiliq yoluchilar 18 sékunt ichide pasport kontirolluqidin öteleydu.

«‹höriyet› géziti», «dangliq rézhissor ferzan özpetek italiyede arqimuarqa shan – sherepke érishti» serlewhilik xewiride, töwendiki bayanlargha orun ajratti:

dangliq rézhissor ferzan özpetek italiyening lékké we napoli sheherliridin kéyin palérmo sheherlik hökümiti teripidinmu pexriy puqraliq salahiyitige érishti.  palérmo uniwérsitétimu özpetekke pexriy dokturluq unwani berdi. özpetek salénto uniwérsitéti teripidinmu «medeniyet bash elchisi» salahyitige layiq körüldi.  



مۇناسىۋەتلىك خەۋەرلەر